Read nynorsk 1938 Salmane 79 Bible Online

Salmane 79 - nynorsk 1938 bible

Salmane 79

¹Ei salme av Asaf. / Gud, heidningar er komen inn i arven din, dei hev gjort Jerusalem til grushaugar.

²Dei hev gjeve liki av dine tenarar til føde for fuglane i lufti, kjøtet av dine heilage til villdyri.

³Dei hev rent ut deira blod som vatn kringum Jerusalem, og det var ingen som jorda dei.

⁴Me hev vorte til hæding for våre grannar, til spott og spe for dei som bur ikring oss.

⁵Kor lenge, Herre, vil du æveleg vera vreid? Kor lenge skal din brennhug loga som eld?

⁶Renn din harme ut yver heidningane, som ikkje kjenner deg, og yver dei kongerike som ikkje kallar på ditt namn!

⁷For dei hev ete upp Jakob, og hans bustad hev dei lagt øyde.

⁸Tilrekna oss ikkje misgjerningane åt våre forfeder! Lat di miskunn snart koma imot oss, for me er ovleg utmødde!

⁹Hjelp oss, du vår Frelse-Gud, for ditt namns æra skuld, og berga oss og forlat oss våre synder for ditt namn skuld!

¹⁰Kvifor skal heidningane segja: Kvar er deira Gud? Lat det for våre augo verta kjent millom heidningane at det kjem hemn yver det utrende blodet av dine tenarar!

¹¹Lat sukken frå den bundne koma for di åsyn! Spar daudens born, so sterk som armen din er!

¹²Gjev våre grannar sjufald att i deira fang den spott som dei hev spotta deg med, Herre!

¹³Og me, ditt folk og den hjord du beiter, me vil lova deg æveleg; frå ætt til ætt vil me kunngjera din pris.