Read nynorsk 1938 Salmane 8 Bible Online

Salmane 8 - nynorsk 1938 bible

Salmane 8

¹Til songmeisteren, etter Gittit; ein salme av David. /[9]

²Herre, vår Herre, kor herleg ditt namn er yver all jordi, du som hev breidt din prydnad ut yver himmelen!

³Av munnen på småborn og sogborn hev du grunnfest ei makt for dine motstandarar skuld, so du kann tagga fienden og den hemngjeruge.

⁴Når eg ser din himmel, det verk av dine fingrar, månen og stjernone, som du hev skapt,

⁵kva er då eit menneske, at du kjem han i hug, og eit menneskebarn, at du ser til han!

⁶Du gjorde han lite lægre enn Gud; med æra og herlegdom krynte du han.

⁷Du sette han til herre yver dei verk dine hender gjorde, allting la du under hans føter:

⁸sauer og uksar, alle i hop, og jamvel dei ville dyr i marki,

⁹fuglen under himmelen og fisken i havet, alt det som ferdast på havsens stigar.

¹⁰Herre, vår Herre, kor herleg ditt namn er yver all jordi!