Read nynorsk 1938 Salmane 84 Bible Online

Salmane 84 - nynorsk 1938 bible

Salmane 84

¹Til songmeisteren, etter Gittit; av Korahs born; ein salme. /[85]

²Kor elskelege dine bustader er, Herre, allhers Gud!

³Mi sjel lengtar, ja naudstundar etter Herrens fyregardar; mitt hjarta og mitt kjøt ropar av fagnad til den levande Gud.

⁴Sporven hev og funne seg eit hus, og svala eit reir der ho hev lagt sine ungar - dine altar, Herre, allhers Gud, min konge og min Gud!

⁵Sæle er dei som bur i ditt hus; dei skal allstødt lova deg. Sela.

⁶Sæl er den mann som hev sin styrke i deg, dei som hev hug til å fara dei jamne vegar. /[86]

⁷Når dei fer gjenom tåredalen, gjer dei han til ein kjeldevang, og haustregnet legg velsigning yver han. /[87]

⁸Dei gjeng frå kraft til kraft, dei stig fram for Gud på Sion.

⁹Herre, Gud, allhers Gud, høyr mi bøn! Vend øyra til, Jakobs Gud! Sela.

¹⁰Gud, vår skjold, sjå hit og skoda andletet åt han du hev salva!

¹¹For ein dag i dine fyregardar er betre enn tusund andre; eg vil heller standa ved dørstokken i min Guds hus enn bu i tjeldi åt gudløysa.

¹²For Gud Herren er sol og skjold, Herren gjev nåde og æra; han held ikkje undan noko godt frå dei som ferdast i uskyld.

¹³Herre, allhers Gud, sæl er den mann som set si lit til deg!