Read nynorsk 1938 Salmane 86 Bible Online

Salmane 86 - nynorsk 1938 bible

Salmane 86

¹Ei bøn av David. / Herre, halla øyra hit, og svara meg! for arm og fatig er eg.

²Tak vare på mi sjel! for eg er gudleg. Frels din tenar, du min Gud, han som lit på deg.

³Ver meg nådig, Herre! for til deg ropar eg heile dagen.

⁴Gled din tenars sjel! for til deg, Herre, lyfter eg mi sjel.

⁵For du, Herre, er god og viljug til forlating og rik på miskunn for alle dei som kallar på deg.

⁶Herre, vend øyra til mi bøn, og merka på mi bønerøyst!

⁷Den dag eg er i naud, ropar eg på deg, for du svarar meg.

⁸Ingen er som du millom gudane, Herre, og ingen ting er som dine verk.

⁹Alle heidningane, som du hev skapt, skal koma og tilbeda for di åsyn, Herre, og dei skal æra ditt namn.

¹⁰For du er stor, og du gjer under; du er Gud og ingen annan.

¹¹Lær meg, Herre, din veg! Eg vil ferdast i di sanning. Vend mitt hjarta til det eine: å ottast ditt namn!

¹²Eg vil prisa deg, Herre min Gud, av alt mitt hjarta, og eg vil æra namnet ditt æveleg.

¹³For di miskunn er stor yver meg, og du hev frelst mi sjel frå den djupe helheimen.

¹⁴Gud, stormodige hev reist seg imot meg, og ein flokk av valdsmenner stend etter livet mitt, og dei hev ikkje deg for auga.

¹⁵Men du, Herre, er ein miskunnsam og nådig Gud, langmodig og rik på nåde og sanning.

¹⁶Vend deg til meg og ver meg nådig, gjev din tenar styrken din og frels son åt di tenestkvinna!

¹⁷Gjer eit teikn med meg til det gode, so dei som hatar meg, må sjå det og skjemmast, av di du, Herre, hev hjelpt meg og trøysta meg.