Read nynorsk 1938 Salmane 88 Bible Online

Salmane 88 - nynorsk 1938 bible

Salmane 88

¹Ein song, ein salme av Korahs born; til songmeisteren; etter Mahalat leannot; ein song til lærdom av Heman, esrahiten. /[89]

²Herre, min Frelse-Gud! Dag og natt ropar eg framfor deg.

³Lat mi bøn koma for di åsyn, halla ditt øyra til mitt klagerop!

⁴For mi sjel er mett av ulukkor, og mitt liv er kome nær til helheimen.

⁵Eg er rekna lik dei som fer ned i gravi; eg er som ein mann utan livskraft,

⁶frigjeven som ein av dei daude, lik dei ihelslegne som ligg i gravi, som du ikkje meir kjem i hug, av di dei er skilde frå di hand. /

⁷Du hev lagt meg i den djupe hola, på myrke stader, i ovdjup.

⁸Din harm ligg tungt på meg, og med alle dine bylgjor trengjer du meg. Sela.

⁹Du hev drive mine kjenningar langt burt frå meg, du hev gjort meg til ein styggedom for dei; eg er innestengd og kann ikkje koma ut.

¹⁰Mitt auga hev ormektast av liding; eg hev kalla på deg, Herre, kvar dag hev eg rett ut mine hender til deg.

¹¹Gjer du vel under for dei daude, eller tru daudingar stend upp og lovar deg? Sela.

¹²Tru dei i gravi fortel um di miskunn, i avgrunnen um din truskap?

¹³Vert dine under kjende i myrkret, og di rettferd i gløymelandet?

¹⁴Men eg ropar til deg, Herre, og um morgonen kjem mi bøn imot deg.

¹⁵Kvifor, Herre, støyter du burt mi sjel? Kvifor løyner du ditt andlet for meg?

¹⁶Arm er eg og døyande frå ungdomen av; eg ber dine redslor, eg lyt gjeva meg yver.

¹⁷Logane av din harm hev gjenge yver meg, dine skræmor hev gjort meg til inkjes.

¹⁸Dei hev ringa seg um meg som vatn all dagen, dei hev kringsett meg alle saman.

¹⁹Du hev drive langt burt frå meg ven og næste; mine kjenningar er den myrke staden.