Read nynorsk 1938 Salmane 91 Bible Online

Salmane 91 - nynorsk 1938 bible

Salmane 91

¹Den som sit i gøymsla hjå den Høgste, den som bur i skuggen hjå den Allmektige,

²han segjer til Herren: Mi livd og mi borg, min Gud som eg set mi lit til!

³For han friar deg or snara åt fuglefangaren, frå tynande sott.

⁴Med sine fjører løyner han deg, og under hans venger finn du livd; hans truskap er skjold og vern.

⁵Du skal ikkje reddast for skræmsel um natti, for pil som flyg um dagen,

⁶for pest som fer fram i myrkret, for sott som tyner um middagen.

⁷Um tusund fell attmed sida di og ti tusund attmed di høgre hand, so skal det ikkje nå til deg.

⁸Du skal berre skoda det med augo dine, og sjå korleis dei ugudlege fær si løn.

⁹For du, Herre, er mi livd. Den Høgste hev du gjort til din bustad;

¹⁰inkje vondt skal timast deg, og ingi plaga skal koma nær til ditt tjeld.

¹¹For han skal bjoda sine englar at dei skal vara deg på alle dine vegar.

¹²Dei skal bera deg på hender, so du ikkje skal støyta foten din på nokon stein.

¹³På løva og eiterorm skal du treda, du skal trakka ned ungløvor og store ormar.

¹⁴For han heng fast ved meg, difor vil eg fria han ut; eg vil berga han, av di han kjenner mitt namn.

¹⁵Han skal kalla på meg, og eg skal svara han; eg er med han i naudi, eg vil fria han ut og føra han til æra.

¹⁶Med eit langt liv vil eg metta han og lata han skoda mi frelsa.