Read nynorsk 1938 Salmane 97 Bible Online

Salmane 97 - nynorsk 1938 bible

Salmane 97

¹Herren hev vorte konge; jordi fagne seg, mange øyar glede seg!

²Skyer og myrker er kringum han, rettferd og rett er grunnvoll for hans kongsstol.

³Eld gjeng framfor han og brenner hans fiendar rundt ikring.

⁴Hans eldingar lyser upp heimen; jordi ser det og skjelv.

⁵Fjelli brånar som voks for Herren, for herren yver all jordi.

⁶Himmelen kunngjer hans rettferd, og alle folki ser hans æra.

⁷Skjemde vert alle som dyrkar utskorne bilete, som rosar seg av avgudar; tilbed han, alle gudar!

⁸Sion høyrer det og gled seg, og Judas døtter fagnar seg for dine domar skuld, Herre!

⁹For du, Herre, er den høgste yver heile jordi, du er høgt upphøgd yver alle gudar.

¹⁰De som elskar Herren, hata det vonde! Han tek vare på sjelene åt sine trugne; or handi åt dei ugudlege friar han dei.

¹¹Ljos er utsått for den rettferdige, og gleda for dei som er ærlege i hjarta.

¹²Gled dykk, de rettferdige, i Herren, og lova hans heilage namn!