Read nynorsk 1938 Salmane 99 Bible Online

Salmane 99 - nynorsk 1938 bible

Salmane 99

¹Herren hev vorte konge, folki skjelv, han som tronar yver kjerubar, jordi ristest.

²Herren er stor i Sion, og upphøgd er han yver alle folki.

³Dei skal prisa ditt namn, det store og skræmelege; heilag er han.

⁴Og i sin styrke elskar kongen rettferd; du hev grunnfest rettvisa, du hev gjort rett og rettferd i Jakob.

⁵Høglova Herren vår Gud, og fall ned for hans fotskammel! Heilag er han.

⁶Moses og Aron var millom hans prestar, og Samuel millom dei som kalla på hans namn; dei ropa til Herren, og han svara dei.

⁷I ein skystolpe tala han til dei; dei heldt hans vitnemål og den lov han gav dei.

⁸Herre vår Gud, du svara dei; du var dei ein Gud som tilgav dei, men og ein hemnar yver deira gjerningar.

⁹Høglova Herren vår Gud, og fall ned for hans heilage fjell! For heilag er Herren vår Gud.