Read nynorsk 1938 Salomos ørdtøke 10 Bible Online

Salomos ørdtøke 10 - nynorsk 1938 bible

Salomos ørdtøke 10

¹Ordtøke av Salomo. / Ein vis son er til gleda for far sin, men ein uvitug son er mor si til sorg.

²Gudløyse-skattar gagnar inkje, men rettferd bergar frå dauden.

³Herren let ikkje den rettferdige svelta, men giren hjå dei gudlause viser han burt.

⁴Lat-hand skaper armod, men strevsam hand gjer rik.

⁵Ein klok son sankar um sumaren; ein skjemdar-son søv um hausten.

⁶Velsigningar kjem yver hovudet på den rettferdige, men munnen åt dei gudlause skal deira vald gøyma.

⁷Minnet um den rettferdige lever i velsigning, men namnet åt dei gudlause morknar.

⁸Den som hev visdom i hjarta, tek imot [Guds] bod; men den som hev dåre-lippor, gjeng til grunns.

⁹Den som ferdast ulastande, ferdast trygt, men den som gjeng krokvegar, han vert kjend.

¹⁰Den som blinkar med auga, valdar vondt, og den som hev dåre-lippor, gjeng til grunns.

¹¹Rettferdig manns munn er ei livsens kjelda, men munnen åt dei gudlause skal deira vald gøyma.

¹²Hat yppar tretta, men kjærleik breider yver alle brot.

¹³På vitug manns lippor er visdom å finna, men stokken høver åt uvitings rygg.

¹⁴Dei vise gøymer kunnskapen sin, men or dåremunn kann ein venta fåre.

¹⁵Rikmanns eiga er hans faste by; fatigfolks armod er deira ulukka.

¹⁶Det den rettferdige vinn, tener til liv; ugudleg manns inntekt vert han til synd.

¹⁷Ein veg til liv er den som aktar på tukt; men den som ikkje ansar age, fører folk på avveg.

¹⁸Den som løyner hat, hev ljugarlippor, og den som ber ut eit låkt ord, er ein dåre.

¹⁹Der det er mange ord, vantar det ikkje synd; men den som tøymer lippone sine, er klok.

²⁰Rettferdig manns tunga er som utvalt sylv; hjarta åt dei ugudlege er ingen ting verdt.

²¹Rettferdig manns lippor nærer mange, men dårar døyr, av di dei vantar vit.

²²Det er Herrens velsigning som gjer rik, og eige strev og legg inkje til.

²³Dåren finn moro i skjemdarverk, men den vituge mannen i visdom.

²⁴Det den ugudlege gruar for, kjem yver han; men det dei rettferdige ynskjer, skal Gud gjeva dei.

²⁵Når ein storm fer framum, er den ugudlege burte; men den rettvise stend på æveleg grunn.

²⁶Som eddik er for tennene og røyk for augo, so er letingen for den som sender han.

²⁷Otte for Herren lengjer livet, men åri åt gudlause folk vert stytte.

²⁸Dei rettferdige kann venta gleda, men voni åt gudlause folk vert til inkjes.

²⁹Herrens veg er vern for den lastelause, men øydeleggjing for illgjerningsmenner.

³⁰Rettferdig mann skal aldri rikkast, men dei ugudlege skal ikkje få bu i landet.

³¹Rettferdig manns munn ber visdoms frukt, men den falske tunga vert avskori.

³²Rettferdig manns lippor skynar kva som er til hugnad, men munnen på dei ugudlege er berre fals.