Read nynorsk 1938 Salomos ørdtøke 11 Bible Online

Salomos ørdtøke 11 - nynorsk 1938 bible

Salomos ørdtøke 11

¹Falsk vekt er ein styggedom for Herren, men fullvektige lodd tykkjer han vel um.

²Med ovmod fylgjer skam, men dei audmjuke hev visdom.

³Dei ærlege hev si rettvisa til førar, men fals slær sin herre på hals.

⁴Gods hjelper ikkje på vreide-dagen, men rettferd bergar frå dauden.

⁵Ulastande manns rettferd jamnar hans veg, men den gudlause stuper ved gudløysa si.

⁶Ærlege folk vert frelste ved si rettferd, men dei falske vert fanga i sin eigen gir.

⁷Når ugudleg mann døyr, er det ute med voni, og det dei vonde stundar etter, vert til inkjes.

⁸Den rettferdige vert fria or trengsla, og den ugudlege kjem i hans stad.

⁹Den gudlause tyner sin næste med munnen, men dei rettferdige friar seg ut med sin kunnskap.

¹⁰Når det gjeng godt med dei rettferdige, fegnast byen, og når dei ugudlege vert tynte, syng folk av gleda.

¹¹Med velsigning frå ærlege folk kjem ein by seg upp, men munnen åt dei ugudlege bryt han ned.

¹²Vitlaus er den som talar vanvyrdeleg um sin næste; men ein vitug mann tegjer stilt.

¹³Den som gjeng og baktalar, ber løyndomar ut; men den hjarte-trugne løyner saki.

¹⁴Der inkje styre er, lyt folket falla; men der det er mange rådgjevarar, gjeng det godt.

¹⁵Ille gjeng det den som borgar for ein framand; men den som ikkje vil handtakast, er trygg.

¹⁶Ei yndefull kvinna vinn æra, og valdsmenner vinn seg rikdom.

¹⁷Ein godhjarta mann gjer vel mot seg sjølv, men ein hardhjarta mann fer vondt med sitt eige kjøt.

¹⁸Den ugudlege vinn seg ei sviksam løn, men den som sår rettferd, fær ei løn som varer.

¹⁹Den som stend fast i rettferd, vinn liv med det; men den som fer etter vondt, valdar sjølv at han lyt døy.

²⁰Ein styggedom for Herren er dei som er range i hugen; men han tykkjer vel um dei som ferdast ulastande.

²¹Du kann vera viss, den vonde vert ikkje urefst, men ætti åt dei rettferdige slepp undan.

²²Som ein gullring i eit grisetryne er ei fager kvinna som er utan vit.

²³Det dei rettferdige ynskjer, vert berre godt; dei ugudlege hev vreide i vente.

²⁴Ein strår ut og fær endå meir, ein annan vert arm av usømeleg sparing.

²⁵Den som velsignar, skal trivast, og den som kveikjer andre, vert sjølv kveikt.

²⁶Den som held att korn, honom bannar folket; men signing kjem yver den som sel korn.

²⁷Den som strevar etter godt, søkjer det som er til hugnad; men den som legg vinn på vondt, han fær det yver seg.

²⁸Den som lit på sin rikdom, han skal stupa; men dei rettferdige skal grønka som lauv.

²⁹Den som fær sitt hus i ulag, skal erva vind, og dåren vert træl åt den vise.

³⁰Rettferdig manns frukt er eit livsens tre, og den vise vinn sjeler.

³¹Du ser den rettferdige fær si løn på jordi, kor mykje meir då den ugudlege og syndaren!