Read nynorsk 1938 Salomos ørdtøke 15 Bible Online

Salomos ørdtøke 15 - nynorsk 1938 bible

Salomos ørdtøke 15

¹Mildt svar døyver harm, men eit kvast ord vekkjer vreide.

²Tunga åt vismenner gjev god kunnskap, men dårskap gøyser or munnen på dårar.

³Herrens augo er alle stader, dei ser etter både vonde og gode.

⁴Linnmælt tunga er eit livsens tre, men ei falsk tunga gjev hjartesår.

⁵Dåren vanvyrder far sin's age, men den som aktar på refsing, er klok.

⁶Rettferdig manns hus gøymer stor rikdom, men ugudleg manns inntekt vert til tjon for han.

⁷Vismanns-lippor strår ut kunnskap, men dårehugen er ikkje rett.

⁸Offer frå dei ugudlege er ein styggedom for Herren, men bøn frå dei ærlege tykkjer han vel um.

⁹Gudløysings veg er ein styggedom for Herren, men han elskar den som strevar etter rettferd.

¹⁰Hard refsing fær den som gjeng ut av rette stigen; den som hatar age, skal døy.

¹¹Helheim og avgrunn ligg i dagen for Herren, kor mykje meir då menneske-hjarto!

¹²Spottaren likar ikkje at ein lastar han; til vismenner gjeng han ikkje.

¹³Gladværugt hjarta gjer andletet ljost, men hjartesorg bryt modet ned.

¹⁴Vitug manns hjarta søkjer kunnskap, men dåremunn fer berre med dårskap.

¹⁵Alle ein armings dagar er vonde, men gladhjarta mann hev gjestebod stødt.

¹⁶Betre er lite med otte for Herren enn stor skatt med uro attåt.

¹⁷Betre er eit kål-fat med kjærleik til enn gjødde uksen med hat attåt.

¹⁸Brålyndt mann valdar tretta, men den toluge stiller kiv.

¹⁹Vegen for letingen er som eit klungergjerde, men vegen er brøytt for dei ærlege.

²⁰Ein vis son gjer far sin gleda, men eit uvitugt menneske vanvyrder mor si.

²¹Dårskap er gleda for vitlaus mann; men ein vitug mann gjeng beint fram.

²²Råder vert til inkjes utan rådleggjing; men der det er mange rådgjevarar, fær dei framgang.

²³Mannen gled seg når munnen kann svara, og eit ord i rette tid, kor godt det er!

²⁴Den vituge gjeng livsens veg uppetter, for han vil sleppa burt frå helheimen der nede.

²⁵Herren riv huset ned for dei ovmodige, men for enkja let han merkesteinen standa.

²⁶Vonde tankar er ein styggedom for Herren, men milde ord er reine for han.

²⁷Den vinnekjære fær sitt hus i ulag, men den som hatar gåvor, han skal leva. /[2]

²⁸Den rettferdige tenkjer i sitt hjarta korleis han skal svara, men dei ugudlege let vondskap gøysa ut or munnen.

²⁹Herren er langt burte frå dei ugudlege, men bøni frå dei rettferdige høyrer han.

³⁰Ljos i augo gjer hugen glad; god tidend gjev merg i beini. /[3]

³¹Den som høyrer på rettleiding til livet, held seg gjerne i lag med vismenn.

³²Den som vandar age, vanvyrder sitt liv, men den som høyrer på rettleiding, vinn seg vit.

³³Otte for Herren er age til visdom, og fyre æra gjeng audmykt.