Read nynorsk 1938 Salomos ørdtøke 17 Bible Online

Salomos ørdtøke 17 - nynorsk 1938 bible

Salomos ørdtøke 17

¹Betre er ein turr brødmole med ro attåt enn huset fullt av slakt med tretta til.

²Ein klok tenar fær råda yver ein uvisleg son, og millom brørne fær han lut i arven.

³Diglen røyner sylvet og omnen gullet; men den som røyner hjarto, det er Herren.

⁴Den vonde aktar på vondskapslippa; ljugaren lyder på tynings-tunga.

⁵Den som spottar den fatige, hæder skaparen hans; den som gleder seg yver ulukka, skal få si refsing.

⁶Ei kruna for dei gamle er barneborn, og ei pryda for borni er federne deira.

⁷Det høver ikkje for dåren å tala store ord, enn mindre for gjævingen å ljuga.

⁸Gåva er ein glimestein for den som fær henne; kvar ho kjem, der fær ho framgang.

⁹Den som skyler misgjerd, søkjer kjærleik; men den som riv upp att ei sak, skil ven frå ven.

¹⁰Vondord gjer meir på den vituge enn hundrad hogg på dåren.

¹¹Den vonde vil ikkje anna enn upprør, men ein hard bodberar vert send imot han.

¹²Møt heller ei binna som hev mist sine ungar, enn ein dåre med dårskapen hans!

¹³Den som løner godt med vondt, frå hans hus skal ikkje ulukka vika.

¹⁴Å taka til med tretta er som å sleppa vatn ut; haldt difor upp med tretta, fyrr ho vert for strid!

¹⁵Den som frikjenner ein ugudleg, og den som domfeller ein rettferdig, dei er båe tvo ein styggedom for Herren.

¹⁶Kva hjelper pengar i handi på dåren til å kjøpa visdom, når han ikkje hev vit?

¹⁷Venen elskar alltid, og bror vert fødd til hjelp i naud.

¹⁸Ein vitlaus mann er den som handtekst, som gjeng i borg hjå næsten sin.

¹⁹Den som elskar tretta, elskar synd; den som byggjer døri si høg, søkjer fall for seg sjølv.

²⁰Den som hev eit rangt hjarta, vinn ikkje lukka, og den som hev ei falsk tunga, fell i ulukka.

²¹Den som hev eit narr til son, fær sorg av han; far åt ein dåre hev ingi gleda.

²²Gladværugt hjarta gjev god lækjedom, men nedslege mod syg mergen or beini.

²³Den ugudlege tek gåver ut or barmen og vil få rettargangen bøygd.

²⁴Den vituge hev visdomen for augo, men dåren hev augo ved heimsens ende.

²⁵Ein uvitug son er til gremme for far sin og til beisk sorg for henne som fekk han.

²⁶Det er 'kje godt at og rettferdig mann fær refsing; at gjæve folk fær slag, er tvert imot all rett.

²⁷Den som er klok, han sparer på ordi, og ein vitug mann er kald i hugen.

²⁸Når dåren tegjer, gjeng han og for vismann, og for ein vitug mann når han held munn.