Read nynorsk 1938 Salomos ørdtøke 22 Bible Online

Salomos ørdtøke 22 - nynorsk 1938 bible

Salomos ørdtøke 22

¹Eit godt namn er meir verdt enn stor rikdom; manntekkje er betre enn sylv og gull.

²Rik og fatig råkast, Herren hev skapt dei båe tvo.

³Den kloke ser fåren og gøymer seg, men dei urøynde held fram og lyt bøta.

⁴Løn for spaklynde og otte for Herren er rikdom og æra og liv.

⁵Klunger og snaror er på den vegen den falske gjeng; den som varar sitt liv, held seg burte frå dei.

⁶Lær guten vegen han skal ganga, so vik han ikkje frå han, jamvel når han eldest.

⁷Rikmannen råder yver fatigfolk, og den som fær lån, vert træl for den som gjev.

⁸Den som sår urett, skal hausta vondt, og hans vreide-ris fær ein ende.

⁹Den godhjarta vert velsigna av di han gav armingen av sitt brød.

¹⁰Jaga spottaren ut, so gjeng tretta med, og kiv og skjemsla fær ein ende.

¹¹Den som elskar hjartans reinleik, og som talar vent, han hev kongen til ven.

¹²Herrens augo vernar den vituge, men ord frå den utrue gjer han um inkje.

¹³Letingen segjer: Det er ei løva der ute, eg kunde verta drepen midt på gata.

¹⁴Munnen åt framand kvinna er ei djup grav; den som Herren er harm på, fell nedi.

¹⁵Vitløysa er bundi fast til gutehjarta, men tukteriset driv henne burt.

¹⁶Er du hard med armingen, aukar du eiga hans; gjev du den rike, valdar du han berre tap.

¹⁷Lut øyra ned og høyr på ord av vismenn og vend ditt hjarta til min kunnskap!

¹⁸For det er godt at du tek vare på dei i ditt hjarta, og at dei alle ligg på dine lippor.

¹⁹Av di du skal lita på Herren, lærer eg deg i dag, just deg.

²⁰Hev eg ikkje skrive upp åt deg fyndord med råder og kunnskap

²¹til å kunngjera deg det som rett er, sannings ord, so du kann svara dei som sender deg, med sanne ord?

²²Plundra ikkje ein fatigmann, av di han er fatig, og trakka ikkje armingen ned i porten! /[7]

²³For Herren skal føra saki deira og taka livet deira som tek noko frå dei.

²⁴Haldt deg ikkje til vens med ein som snart vert vreid, og gjev deg ikkje i lag med ein bråsinna mann,

²⁵so du ikkje skal venja deg til hans vegar og få sett ei snara for livet ditt!

²⁶Ver ikkje millom dei som gjev handtak, millom dei som borgar for skuld!

²⁷Når du inkje hev å betala med, kvifor skal dei då taka sengi di burt under deg?

²⁸Flyt ikkje gamal merkestein som federne dine hev sett!

²⁹Ser du ein mann som er dugleg i arbeidet - han kann koma til å tena kongar; han kjem ikkje til å tena småfolk.