Read nynorsk 1938 Salomos ørdtøke 25 Bible Online

Salomos ørdtøke 25 - nynorsk 1938 bible

Salomos ørdtøke 25

¹Dette er og ordtøke av Salomo, og av mennene åt Esekias, Juda-kongen, hev samla dei:

²Guds æra er å dylja ei sak, men kongars æra å granska ei sak. /[10]

³Himmelhøgd og jord-dypt og konge-hjarto kann ingen granska ut.

⁴Skil slagget frå sylvet, so fær gullsmeden ei skål av det.

⁵Få den ugudlege burt frå kongen, so vert hans kongsstol fast ved rettferd.

⁶Briska deg ikkje for kongen, og stig ikkje fram på storfolks stad!

⁷For det er betre dei segjer til deg: Kom her upp, enn at du vert nedflutt for ein stormann, som du hadde set.

⁸Ver ikkje for snar til å reisa sak, so ingen skal segja: Kva vil du gjera til slutt når din motpart vinn saki til skam for deg?

⁹Før di sak med motparten din, men ber ikkje ut ein annan manns løyndom!

¹⁰For elles vil den som høyrer det, skjella deg ut, og du vil alltid få låkt ord på deg.

¹¹Som eple av gull i skåler av sylv er eit ord som ein talar i rette tid.

¹²Som ein ring av gull, som ei fingull-sylgja er ein vismann som refser for høyrande øyra.

¹³Som svalande snø ein skurdonne-dag er ein tru bodberar for dei som sender han; han kveikjer sjeli åt herren sin. /[11]

¹⁴Som skyer og vind utan regn er ein mann som kyter av gåvor han ikkje gjev.

¹⁵Ved tolmod vert hovdingen yvertald, og den linne tunga bryt bein.

¹⁶Finn du honning, so et det du treng, so du ikkje skal leidast av han og spy han ut!

¹⁷Set sjeldan din fot i huset åt venen din, so han ikkje skal verta leid deg og hata deg.

¹⁸Som hamar og sverd og kvasse pil er den som vitnar rangt mot sin næste.

¹⁹Som roti tonn og ustød fot er lit til utru mann på trengsle-dagen.

²⁰Lik ein som kastar klædi ein vinterdag, lik eddik på natron er den som syng visor for sorgfullt hjarta.

²¹Er din fiende svolten, so gjev han mat, og er han tyrst, so gjev han drikka!

²²Då sankar du gloande kol på hans hovud, og Herren skal løna deg for det.

²³Nordavind føder regn, og ei tunga som kviskrar i løynd, valdar sure minor.

²⁴Betre å bu i ei krå på taket enn hava hus i hop med trettekjær kvinna.

²⁵Som friske vatnet for den trøytte, so er god tidend frå eit land langt burte.

²⁶Som gruggi kjelda og ein utskjemd brunn, so er rettferdig mann som gjev etter for ein gudlaus.

²⁷Eta for mykje honning er ikkje godt, og gruvlar-æra er tung å bera.

²⁸Som ein by med murane brotne og burte er mannen som ikkje kann styra sin hug.