Read nynorsk 1938 Salomos ørdtøke 5 Bible Online

Salomos ørdtøke 5 - nynorsk 1938 bible

Salomos ørdtøke 5

¹Son min! Gjev ans på min visdom, lut øyra ned til mitt vit,

²so du kann gøyma kloke råder og lippone halda på kunnskap!

³For honning dryp av lippone på framand kvinna, og sleipare enn olje er tunga hennar,

⁴men til slutt er ho beisk som malurt, kvass som eit tvieggja sverd.

⁵Hennar føter stig ned til dauden, hennar fet fører radt til helheims.

⁶Livsens stig vil ho ikkje ganga; ho vinglar vegvill, men veit det ikkje.

⁷So høyr no på meg, mine born, og vik ikkje frå det som munnen min mæler!

⁸Lat din veg vera langt frå henne, og kom ikkje nær hennar husdør!

⁹Elles gjev du di pryda til andre, til ein hardstyrar dine år;

¹⁰framande fær metta seg av di eiga, og det du hev streva i hop, kjem i annanmanns hus,

¹¹so du lyt stynja i di siste stund, når ditt hold og ditt kjøt tærest burt,

¹²og segja: Kor kunde eg hata tukt, kor kunde hjarta mitt vanvyrda age,

¹³so eg ikkje høyrde på dei som lærde meg, og ikkje lydde på dei som rettleidde meg!

¹⁴Nær var eg komen ille i det midt i lyden som sat til tings.

¹⁵Drikk or din eigen brunn, drikk rennande vatn or di eigi kjelda!

¹⁶Skulde kjeldone dine fløyma på gata, bekkene dine på torgi?

¹⁷Lat dei vera berre for deg og ikkje for framande med deg!

¹⁸Kjelda di vere velsigna, gled deg i din ungdoms viv!

¹⁹Elskhugs-hindi, ynde-gasella! Barmen hennar kveikje deg til kvar tid, av kjærleiken hennar vere du alltid ør!

²⁰Kvi skulde du, son min, vera ør av trå etter annanmanns kona og femna barmen på framand kvinna?

²¹For Herren hev kvar manns vegar for augo, og han jamnar alle hans stigar.

²²Den ugudlege vert fanga i sine eigne misgjerningar, og hans eigi synd vert snaror som held han fast.

²³Han lyt døy, av di han ikkje let seg aga, og for sin store dårskap skuld tumlar han i koll.