Read nynorsk 1938 Høgsongen 7 Bible Online

Høgsongen 7 - nynorsk 1938 bible

Høgsongen 7

¹Kor fagert du skrid fram i dine sko, du hovdingdotter! Dine lender er bogne som ei sylgja, smidd av ei kunstnarhand.

²Fanget ditt er som runde staupet; gjev det aldri må vanta vin! Midja er som ein kveitehaug med liljor ikring.

³Barmen er som tvo rådyrkalvar, tvillingar til ei rådyr.

⁴Halsen din er som filsbeinstårnet, augo som Hesbons tjørner ved Bat-rabbims port, nasen som Libanontårnet, som skodar ut mot Damaskus.

⁵Hovudet ris liksom Karmel, hårflaumen er som purpur; kongen er fanga i dine lokkar.

⁶Kor fager, kor ljuvleg du er, du kjærleik so hugnadrik!

⁷Rakvaksi er du som ei palma, og barmen din er som druvor.

⁸Eg meiner eg stig upp i palmetreet, i greinene tek eg tak. Som druvor på vintreet vere din barm, din ande som angen av eple

⁹og gomen som finaste vin! - Den som glid lett ned for min ven, som fær lippone på sovande til å tala. /[2]

¹⁰Eg høyrer venen min til, og til meg stend hans trå.

¹¹Kom, min ven, lat oss ganga ut på marki, lat oss vera i grendene natti yver!

¹²Lat oss ganga i otta til vingardane, lat oss sjå um vintreet sprett, um blomane slær seg ut, um granattrei blømer! Der vil eg gjeva deg min kjærleik.

¹³Rune-epli angar, og yver våre dører er alle slag gilde frukter, både nye og gamle. Min ven, eg hev gøymt dei til deg.