Read nynorsk 1938 Jesaja 11 Bible Online

Jesaja 11 - nynorsk 1938 bible

Jesaja 11

¹Men ein kvist skal renna or Isai-stuven, og ein renning frå hans røter skal bera frukt.

²Og Herrens Ande skal kvila yver han, Anden med visdom og vit, Anden med råd og styrke, Anden som gjev kunnskap um Herren og otte for han.

³Han skal hava sin hugnad i otte for Herren, og han skal ikkje døma etter det augo ser, og ikkje skifta rett etter det øyro høyrer,

⁴men han skal døma armingar med rettferd, og skifta rett med rettvisa for dei smålåtne på jordi, og han skal slå jordi med riset i sin munn og drepa den ugudlege med anden frå lippone sine.

⁵Rettferd skal vera beltet um lendene og truskap beltet um mjødmane hans.

⁶Då skal ulven bu saman med lambet, og leoparden liggja i lag med kjeet, og kalven og ungløva og gjødfeet skal semjast saman, og ein smågut skal gjæta dei.

⁷Kui og bjørnen skal beita saman, ungane deira skal liggja i lag, og løva skal eta halm som ein ukse.

⁸Sogbarnet skal leika seg innved bolet til hoggormen, og barnet som nyst er avvant, skal retta handi ut yver hola åt basilisken.

⁹Ingen skal gjera vondt eller ugagn på heile mitt heilage fjell; for landet er fyllt av kunnskap um Herren, liksom vatnet fyller havdjupet.

¹⁰I den tidi skal heidningfolki søkja til rotrenningen av Isai, som stend til ei fane for folkeslag; og bustaden hans skal vera herleg.

¹¹I den tidi skal Herren endå ein gong retta ut handi og vinna leivningen av folket sitt, dei som vert berga frå Assyria og Egyptarland og Patros og Etiopia og Elam og Sinear og Hamat og havstrendene.

¹²Og han skal reisa ei fana for folki og samla dei burtdrivne menner av Israel og sanka saman dei spreidde kvinnor av Juda frå heimsens fire hyrno.

¹³Då skal Efra'ims ovund kverva, og dei som tek på Juda, skal verta utrudde; Efra'im skal ikkje hysa ovund mot Juda og Juda ikkje taka på Efra'im.

¹⁴Og dei skal slå ned på herdi åt filistarane i vest, og sameinte skal dei taka herfang av austmennene. På Edom og Moab skal dei leggja hand, og Ammons-borni skal lyda dei. /[33]

¹⁵Og Herren skal bannstøyta viki av Egyptarhavet og svinga handi yver elvi, med sin sterke storm, og han skal kløyva henne i sju bekker, so ein kann ganga yver med skor. /[34]

¹⁶So skal det vera ein brøytt veg for leivningen av folket hans, dei som vert berga frå Assyria, liksom det var for Israel den dagen dei drog upp frå Egyptarlandet.