Read nynorsk 1938 Jesaja 20 Bible Online

Jesaja 20 - nynorsk 1938 bible

Jesaja 20

¹Det året då Tartan kom til Asdod, den gongen Sargon, assyrarkongen, sende han dit, og han stridde mot Asdod og hertok byen -

²i den tidi tala Herren gjenom Esaias, son åt Amos, soleis: Upp, løys hårkyrtelen av lendene dine og drag skorne av føtene dine! Og han gjorde so og gjekk naken og berrføtt. /[49][50]

³Då sa Herren: Liksom Esaias, tenaren min, hev gjenge naken og berrføtt, og no i tri år hev vore eit teikn og eit varsel um Egyptarland og Etiopia,

⁴soleis skal kongen i Assyria lata fangane frå Egyptarland og dei burtførde frå Etiopia, både unge og gamle, fara av stad nakne og berrføtte og med berr bak, til skjemsla for Egyptarland.

⁵Då skal dei verta forfærde og skjemmast yver Etiopia, som dei sette si von til, og yver Egyptarland, som dei var byrge av.

⁶Og dei som bur på denne strandi, skal segja i den tidi: Soleis gjekk det med dei me sette vår von til, med dei me flydde til etter hjelp so me kunde verta berga frå assyrarkongen. Korleis kann då me koma undan? /[51]