Read nynorsk 1938 Jesaja 23 Bible Online

Jesaja 23 - nynorsk 1938 bible

Jesaja 23

¹Framsegn um Tyrus. Jamra dykk, de Tarsis-skip! For de er lagt i øyde, so det ikkje finst hus der lenger, og de ikkje kann koma heim att meir; frå Kittims land fær dei fretnad um det.

²Tagna, de som bur på havstrandi som sjøfarande kjøpmenner frå Sidon fyllte!

³Av Sihor-sædet, av Nil-grøda, som dei førde yver det store havet, gjorde det seg vinning, og det var ein marknad for folki. /[63][64]

⁴Men statt no der med skam, du Sidon! For so segjer havet, havborgi: Eg hev ikkje vore barnsjuk, og hev ikkje født born, og ikkje ale unge menner eller fostra ungmøyar.

⁵Når dei fær høyra um dette i Egyptarland, so skal dei skjelva ved fretnaden um Tyrus.

⁶Far yver til Tarsis og jamra dykk, de som bur på havstrandi!

⁷Er dette dykkar glade by, som vart til i eldgamle dagar, og som av føtene sine vert boren til land langt burte til å vera gjest der?

⁸Kven hev sett seg dette fyre mot Tyrus, mot henne som deilte ut kongekrunor - der som kjøpmennene var fyrstar og kræmarane høyrde med til stormennene på jordi?

⁹Herren, allhers Gud, er den som hev sett seg det fyre, han vilde vanhelga all skrøytande herlegdom og vanæra alle stormenner på jordi.

¹⁰Flød yver landet ditt liksom elvi, du Tarsis-dotter! Det finst inkje band meir. /[65]

¹¹Han hev rett ut handi si yver havet, han hev fenge kongerike til å skjelva; Herren hev bode at borgene i Kana'anslandet skulde øydeleggjast.

¹²Han sa: Du skal ikkje meir få gama deg, du valdtekne møy, Sidons dotter! Tak ut og far yver til Kittim! Ikkje der heller skal du finna kvild.

¹³Sjå landet åt kaldearane, dette folket som fyrr ikkje var til - Assur hev gjort landet deira til bustad for villdyri - dei reiser no upp kringsetjingstårni sine, dei riv ned slotti i byen og gjer han til ein grushaug. /[66]

¹⁴Jamra dykk, de Tarsis-skip! For borgi dykkar er lagd i øyde.

¹⁵I den tidi skal Tyrus gløymast i sytti år, ein kongealder; men når sytti år er lidne, skal det ganga med Tyrus som det heiter i visa um skjøkja:

¹⁶Tak din citar og gakk ikring i byen, du gløymde skjøkja! Rør strengene fagert, syng visa på visa, so dei kann koma deg i hug!

¹⁷Når dei sytti åri er lidne, skal Herren lydast til Tyrus, og ho skal atter få taka imot skjøkjeløn og driva utukt med alle kongeriki på den vide jord.

¹⁸Men handelsvinsten hennar og skjøkjeløni skal vera helga til Herren, det skal ikkje leggjast upp eller gøymast; for dei som bur for Herrens åsyn, skal få denne vinsten og bruka han til å eta seg mette og klæda seg i prydelege klæde for.