Read nynorsk 1938 Jeremia 12 Bible Online

Jeremia 12 - nynorsk 1938 bible

Jeremia 12

¹Herre, når eg trettar med deg, hev du alltid rett. Endå lyt eg tala med deg um retten: Kvi gjeng det dei ugudlege vel? Kvi er dei sutlause alle dei utrue?

²Du hev planta dei, og dei hev røtt seg; dei veks og ber frukt; nær er du i deira munn, men langt burte frå deira nyro.

³Men du, Herre, kjenner meg, du ser meg og røyner mitt hjartelag mot deg; skil dei frå som sauer til slakting og vigsla dei til ein dråpsdag!

⁴Kor lenge skal landet visna og urtene på marki alle stader torna burt? For deira vondskap skuld som der bur, er dyr og fuglar burtrivne; for dei segjer: Han ser ikkje endelykti vår. /[23]

⁵Vert du utmødd når du spring med gangande mann, korleis kann du då kapprenna med hestar? I eit fredleg land er du trygg, men kva vil du gjera i Jordans prydnad? /[24]

⁶For jamvel brørne dine og farshuset ditt, jamvel dei er utrue mot deg, jamvel dei ropar av full hals etter deg; tru dei ikkje når dei talar vent til deg!

⁷Eg hev gjenge frå huset mitt, vanda odelen min; eg hev gjeve henne som mi sjel elska, i hendene på hennar fiendar.

⁸Odelen min hev vorte for meg som løva i skog, han hev lyft si røyst imot meg; difor hatar eg han.

⁹Er odelen min ein spreklut rovfugl? Det er då rovfugl rundt ikring han! Gakk av stad og samla alle dyr i skogen, lat dei koma hit og eta!

¹⁰Hyrdingar i mengd øydelegg vinhagen min, trakkar ned odelsjordi mi; dei gjer den herlege odelsjordi mi til ei øgjeleg audn. /

¹¹Til ei øydemark gjer dei henne; syrgjande og audsleg ligg ho ikring meg; alt landet er lagt i øyde; for ingen legg det på hjarta. /[25]

¹²Yver alle snaude haugar i øydemarki kjem herjande hopar, for Herren hev eit sverd som øyder frå eine enden av landet til hin; det finst ikkje berging for noko kjøt.

¹³Dei sår kveite og haustar inn klunger, dei møder seg ut, men reint til fånyttes. So vert då til skammar med grøda dykkar for Herrens brennande vreide!

¹⁴So segjer Herren um alle sine vonde grannar, som rører den odelseiga han hev gjeve sitt folk Israel: Sjå, eg rykkjer dei upp or landet deira, og Judas hus vil eg rykkja upp midt ibland dei.

¹⁵Men etter eg hev rykt dei upp, vil eg atter miskunna dei og lata dei koma heim att til kvar sin odel og kvar sitt land.

¹⁶Um dei då lærer seg mitt folks vegar, so dei sver ved mitt namn: So visst som Herren lever - liksom dei lærde mitt folk å sverja ved Ba'al, då skal dei verta uppatt-bygde midt ibland mitt folk.

¹⁷Men vil dei ikkje høyra, då vil eg rykkja upp det folket, rykkja det upp og tyna det, segjer Herren.