Read nynorsk 1938 Esekiel 15 Bible Online

Esekiel 15 - nynorsk 1938 bible

Esekiel 15

¹Herrens ord kom til meg, og det lydde so:

²Menneskeson! Kva fyremun hev veden av vintreet framfor annan ved, den vintre-renningen som hev runne millom trei i skogen?

³Tek ein ved av vintreet og brukar til noko slag gagnved? Eller lagar nokon ein nabb av han til å hengja noko slag bunad på?

⁴Nei, ein nører elden med han; elden brenner båe endane, og midluten vert sviden; duger han vel då til vyrke?

⁵Ikkje ein gong medan han var heil, var han brukande til vyrke; kor mykje minder når elden hev brent på han, og han er sviden! Skulde det då vera brukande til vyrke?

⁶Difor segjer Herren, Israels Gud, so: Som det gjeng med veden av vintreet millom trei i skogen, den som eg nører elden med, soleis gjer eg og med Jerusalems-buane.

⁷Eg vil kvessa augo imot dei; dei hev sloppe ut or elden, men elden skal endå øyda dei, og de skal sanna at eg er Herren, når eg kvesser augo imot dei.

⁸Og eg vil gjera landet til ei audn, for di dei hev fare svikfullt åt segjer Herren, Israels Gud.