Read nynorsk 1938 Esekiel 19 Bible Online

Esekiel 19 - nynorsk 1938 bible

Esekiel 19

¹Og du, set i med ein syrgjesong yver Israels fyrstar

²og seg: Kvar er mor di? Ei løvemor. Millom løvor låg ho; millom ungløvor ol ho sine ungar.

³Ho fødde upp ein av ungane sine; ei ungløva vart han, han lærde å rana og røva, menner åt han. /[28]

⁴Men heidningfolk fekk høyra um han; han vart fanga i deira grav, og med naseringar på vart han førd til Egyptarland.

⁵Då ho såg ho hadde venta til fåfengs, at all hennar von var spilt, so tok ho ein til av sine ungar og gjorde ei ungløva av han. /[29]

⁶Han sveiv ikring millom løvor, ei ungløva sjølv, og han lærde å rana og røva, menner åt han.

⁷Han skjemde enkjone deira og la deira byar øyde, og landet og alt som der var, tok fæla av buringi hans.

⁸Då sette dei garnet sitt upp imot han, folki frå fylki rundt ikring, og breidde det ut yver han; han vart fanga i gravi dei grov.

⁹So gav dei han krok i nosi og sette han i eit bur og førde han til kongen i Babel; der sette dei han i ei tjukkmura borg, so ingen skulde høyra røysti hans meir på Israelsfjelli.

¹⁰Medan du fekk vera i ro, var di mor som eit vintre planta attmed vatn; rikt på frukt og på greiner var det av alt det vatnet det hadde.

¹¹Det fekk sterke greiner, tenlege til styrarstavar, høgt voks det upp millom skyene, og det var audsynt for si høgd og dei mange rankane sine.

¹²Då vart det rive upp i harm og kasta på jordi, og austanvinden forturka frukti; dei sterke greinene på det vart rivne av og torna; elden åt dei upp.

¹³No er det planta i øydemarki, i eit land so turt og tyrst.

¹⁴Og eld gjekk ut frå den kvistute greini; han øydde frukti, og det hev ikkje meir nokor sterk grein til styrarstav. - Ein syrgjesong er dette, og til ein syrgjesong skal det verta. /[30]