Read nynorsk 1938 Esekiel 22 Bible Online

Esekiel 22 - nynorsk 1938 bible

Esekiel 22

¹Herrens ord kom til meg, og det lydde so:

²Du menneskeson! Vil du døma, vil du døma blodbyen? Minn han um all styggedomen hans

³og seg: So segjer Herren, Israels gud: Du by som hev rent ut blodet åt dei som bur i deg, so tidi di skal koma, du som hev gjort deg ufysne avgudar og sulka deg med det!

⁴Med blodet som du hev rent ut, hev du ført skuld yver deg, og med dei ufysne avgudane som du hev gjort, hev du sulka deg; du hev fenge dagane dine til å nærma seg og hev nått dine år; difor gjer eg deg til spe for folki og til spott for alle land.

⁵Dei landi som er nær, og dei som er langt ifrå deg, skal spotta deg, du med ditt utskjemde namn og di vimande villa!

⁶Sjå, Israels fyrstar i deg bruka alle sin arm til å renna ut blod.

⁷Far og mor såg dei ned på hjå deg; mot den framande for dei fram med vald hjå deg; den farlause og enkja var dei harde med hjå deg.

⁸Heilagdomane mine vanvyrde du, og sabbatane mine vanhelga du.

⁹Baktalarar stod fram hjå deg til å renna ut blod, og på fjelli dine åt dei [avgudsoffer]; skjemdarverk for dei med hjå deg. /[44]

¹⁰Hjå deg nækte dei fars blygsel; hjå deg skjemde dei kvende som var ureine i sine månadstider.

¹¹Ein bar seg avstyggeleg åt mot kona åt næsten sin, ein annan skjemde ut sonekona si i skamlaus ulivnad, og endå ein annan skjemde syster si, dotter åt far sin, hjå deg.

¹²Mutor tok dei hjå deg for å renna ut blod, renta og yvermål tok du, og mot næsten din for du med urett og vald, og meg gløymde du, segjer Herren, Israels Gud.

¹³Men sjå, eg hev slege hendene i hop yver syndepengane du hev samla deg, og yver blodet du hev rent ut hjå deg.

¹⁴Kann hjarta ditt standa seg eller hendene dine vera fullsterke i dei dagane då du fær med meg å gjera? Eg, Herren, hev sagt det, og eg skal setja det i verk.

¹⁵Eg vil spreida deg millom folki og strå deg ikring i landi, og eg skal få all ureinska di av det.

¹⁶Du skal varta vanhelga for augo på folki ved di eigi skuld, og du skal sanna at eg er Herren.

¹⁷Herrens ord kom til meg, og det lydde so:

¹⁸Menneskeson! Israels-lyden hev vorte til slagg for meg; alle i hop er dei som kopar og tin og jarn og bly i ein omn; sylvslagg hev dei vorte.

¹⁹Difor segjer Herren, Israels Gud, so; etter di de hev vorte til slagg alle saman, sjå, so vil eg samla dykk i hop i Jerusalem.

²⁰Som ein samlar sylv og kopar og jarn og bly og tin i ein omn og blæs upp eld på det og smelter det, soleis vil eg samla dykk i hop i min vreide og harm og leggja dykk i omnen og smelta dykk.

²¹Ja, eg vil sanka dykk saman og blåsa min vreide-eld på dykk, so de smelter i han;

²²som sylv smelter i ein omn, soleis skal de smelta der, og de skal sanna at eg, Herren, hev rent ut min harm yver dykk.

²³Og Herrens ord kom til meg, og det lydde so:

²⁴Menneskeson, seg til det: Du er eit land som ikkje er reinsa, som ikkje hev fenge skolregn på vreide-dagen. /[45]

²⁵Eit samansvore lag er profetane der; dei er som ei burande løva, som ranar og røvar; dei øyder manneliv, dei tek gods og eigneluter; dei gjer mange til enkjor der.

²⁶Prestane der gjer vald på mi lov og vanhelgar heilagdomane mine; heilagt og vanheilagt gjer dei ikkje skil på, og dei lærer ikkje å skilja frå einannan ureint og reint; for sabbatane mine legg dei att sine augo, og eg vert vanhelga midt ibland dei.

²⁷Fyrstane der likjest vargar, som ranar og røvar; dei renner ut blod, dei tyner manneliv, so dei kann auka syndepengane sine.

²⁸Profetane stryk på kalk åt dei; dei skodar fåfengd og spår lygn åt dei og segjer: So segjer Herren, Israels Gud - endå Herren ikkje hev tala.

²⁹Landslyden fer med valdsverk og ranar og røvar, armingen og fatigmannen er dei harde med, og mot den framande gjer dei valdsverk utan lov og rett.

³⁰Eg leita millom dei etter ein mann som vilde mura upp ein mur og standa i gapet framfor mi åsyn til vern for landet, so eg ikkje skulde leggja det i øyde; men eg vann ingen.

³¹So renner eg då ut min vreide yver dei; i min brennande harm gjer eg ende på dei; åtferdi deira let eg koma att på deira eige hovud, segjer Herren, Israels Gud.