Read nynorsk 1938 Esekiel 25 Bible Online

Esekiel 25 - nynorsk 1938 bible

Esekiel 25

¹Herrens ord kom til meg, og det lydde so:

²Menneskeson! Vend andletet mot Ammons-borni og spå mot dei!

³Seg til Ammons-borni: Høyr ordet frå Herren, Israels Gud! So segjer Herren, Israels Gud: Etter di du ropa: Hå, hå! yver heilagdomen min som vart vanhelga, og yver Israels land, som vart lagt i øyde, og yver Juda-lyden, som laut fara i utlægd.

⁴Sjå, difor vil eg lata austmennene få deg til eiga, og dei skal slå sine tjeldlæger i deg og reisa sine bustader i deg; dei skal eta frukti di og drikka mjølki di.

⁵Og eg vil gjera Rabba til beitemark åt kamelar og landet åt Ammons-borni til felæger, og de skal sanna at eg er Herren.

⁶For so segjer Herren, Israels Gud: Av di du klappa i hendene og trappa med føtene og fagna deg med djup vanvyrdnad av alt dit hjarta yver Israels land,

⁷sjå, difor retter eg ut hand mot deg og gjev deg til føda åt folki; eg ryd deg ut or folkeslagi og let deg tynast ut or landi; eg vil øyda deg ut, so du skal sanna at eg er Herren.

⁸So segjer Herren, Israels Gud: Av di Moab og Se'ir sa: Sjå, de gjekk med Juda-lyden som med alle hine folki,

⁹sjå, difor vil eg gjera eit òp i sida åt Moab alt ifrå byane, frå byane hans på alle leider, fagraste luten av landet, Bet-Jesimot, Ba'al-Meon og alt til Kirjata'im, /[51]

¹⁰so austmennene kann koma seg inn, like eins som eg vil gjera med landet åt Ammons-borni, som eg gjev dei til eiga, so ein ikkje skal minnast landet åt Ammons-borni millom folki. /[52]

¹¹Eg vil halda dom yver Moab, so dei skal sanna at eg er Herren.

¹²So segjer Herren, Israels Gud: Av di Edom tok hemn yver Juda-lyden og førde skuld yver seg med di dei hemnde seg på dei,

¹³difor segjer Herren, Israels Gud, so: Eg vil retta ut handi mot Edom og rydja ut både folk og fe der, og eg vil gjera det til ei audn alt frå Teman, og alt burt til Dedan skal dei falla for sverd.

¹⁴Eg vil lata mitt folk Israel fullføra min hemn mot Edom, og dei skal fara åt med Edom etter min vreide og harm, og de skal få kjenna min hemn, segjer Herren, Israels Gud.

¹⁵So segjer Herren, Israels Gud: Av di filistarane tok hemn, av di dei hemnde seg med vanvyrdnad av alt sitt hjarta og vilde tyna og øyda av eldgamal fiendskap,

¹⁶difor segjer Herren, Israels Gud, so: Sjå, eg rettar ut handi mot filistarane og ryd ut kretarane og tyner det som er att utmed havstrandi. /[53]

¹⁷Eg vil lata stor hemn råma dei og tukta dei i min vreide, og dei skal sanna at eg er Herren, når eg let hemnen min nå dei.