Read nynorsk 1938 Esekiel 30 Bible Online

Esekiel 30 - nynorsk 1938 bible

Esekiel 30

¹Herrens ord kom til meg, og det lydde so:

²Menneskeson, spå og seg: So segjer Herren, Israels Gud: Barma dykk: Å, for ein dag!

³For nær er dagen, ja, nær er Herrens dag; ein myrkskya dag, ei domstid for folki skal det vera.

⁴Eit sverd skal koma mot Egyptarland, og Etiopia skal få skjelve-rider, når drepne menner fell i Egyptarland; landsens rikdom skal dei føra burt, og grunnvollane skal verta nedrivne.

⁵Etiopar og folk frå Put og Lud og alle dei framande hermennene og kubearar og sønene åt sambandslandet skal falla for sverd i lag med dei /[61]

⁶So segjer Herren: Dei som styd Egyptarland, skal falla, og ovmodet og makti skal kverva; frå Migdol til Syene skal folket der falla for sverd, segjer Herren, Israels Gud.

⁷I øyde skal det liggja millom aude land, og byane skal liggja millom øydelagde byar.

⁸Og dei skal sanna at eg er Herren, når eg set eld på Egyptarland, og alle som hjelper det, vert krasa.

⁹Den dagen skal det fara sendebod frå meg på skip til å setja støkk i det ottelause Etiopia, og det skal få skjelve-rider, som på Egyptarlands dag; for sjå, det kjem.

¹⁰So segjer Herren, Israels Gud: Eg vil hava Nebukadnesar, Babel-kongen, til å gjera ende på den ståkande hopen i Egyptarland.

¹¹Han og folket hans med han, valdsmennene millom folki, skal verta henta til å herja landet; dei skal draga sine sverd mot Egyptarland og fylla landet med drepne menner.

¹²Eg vil lata elvane torna og selja landet i hendene på illmenne, og eg vil hava framande til å øyda landet og alt som i det er; eg, Herren, hev tala.

¹³So segjer Herren, Israels Gud: Eg vil tyna dei ufysne avgudane og rydja ut dei falske gudane i Memfis, og aldri meir skal det koma nokon fyrste i Egyptarlandet, og eg vil setja støkk i Egyptarlandet.

¹⁴Eg vil leggja Patros i øyde og setja eld på Soan og halda dom yver No.

¹⁵Eg vil renna ut min harm yver Sin, den sterke verni åt Egyptarland, og rydja ut den ståkande hopen i No.

¹⁶Eg vil setja eld på Egyptarland; Sin skal skjelva og bivra, og No verta herteke, og Memfis skal fiendar taka midt på ljose dagen.

¹⁷Dei unge menner i Aven og Pibeset skal falla for sverd, og sjølve skal dei fara i utlægd. /[62]

¹⁸I Tehafnehes skal dagen myrkna, når eg der bryt sund Egyptarlands-åket, og det er ute med ovmodet og makti; sjølv vert det sveipt i skyer, og døtterne lyt fara i utlægd.

¹⁹Eg vil halda dom yver Egyptarland, og dei skal sanna at eg er Herren.

²⁰I det ellevte året, den sjuande dagen i fyrste månaden, kom Herrens ord til meg, og det lydde so:

²¹Menneskeson! Armen åt Farao, egyptarkongen, hev eg brote forderva, og sjå, ingen hev fetla han; ingen hev bruka lækjeråder eller lagt bindsel ikring, so han kunde verta sterk nok til å gripa sverdet.

²²Difor segjer Herren, Israels Gud so: Sjå, eg kjem yver Farao, Egyptarkongen, og eg skal brjota armane hans sund, både den heile og den brotne, og lata sverdet detta or handi hans.

²³Eg vil spreida egyptarane millom folki og strå dei ut i landi.

²⁴Eg skal styrkja armane åt Babel-kongen og leggja sverdet mitt i hans hand, men armane åt Farao vil eg brjota, og han skal liggja og stynja framfor han, som ein mann styn når han hev fenge ulivssår.

²⁵Ja, armane åt Babel-kongen vil eg styrkja, men armane åt Farao skal siga ned; og dei skal sanna at eg er Herren, når eg legg sverdet mitt i handi på Babel-kongen, og han retter det ut mot Egyptarlandet.

²⁶Og eg vil spreida egyptarane millom folki og strå dei ut i landi, og dei skal sanna at eg er Herren.