Read nynorsk 1938 Esekiel 39 Bible Online

Esekiel 39 - nynorsk 1938 bible

Esekiel 39

¹Og du menneskeson, spå mot Gog og seg: So segjer Herren, Israels Gud: Sjå, eg kjem yver deg, Gog, du fyrste yver Ros, Mesek og Tubal!

²Eg vil snu deg um og jaga deg fram og føre deg upp frå landet lengst nord i heimen og lata deg koma upp på Israelsfjelli.

³Der vil eg slå bogen din utor vinstre handi og lata pilene dine detta utor høgre handi.

⁴På Israelsfjelli skal du falle, du og all herskarane dine og folkeslagi som er med deg; eg gjev deg til mat åt alle slag rovfuglar og åt villdyri på marki.

⁵På marki skal du falla; for eg hev tala, segjer Herren, Israels Gud.

⁶Og eg vil senda eld mot Magog og mot dei som bur trygt i øylandi; og dei skal sanna at eg er Herren.

⁷Mitt heilage namn vil eg gjera kunnigt bland mitt folk Israel, og aldri meir vil eg lata mitt heilage namn verta vanhelga; og folkeslagi skal sanna at eg er Herren, heilag i Israel.

⁸Sjå, det kjem, det hender, segjer Herren, Israels Gud; det er dagen som eg hev tala um.

⁹Då skal dei som bur i Israelsbyane, ganga ut og gjera upp eld og nøra han med herbunader og små og store skjoldar, med bogar og piler og stavar og spjot, og dei skal bruka det til å elda med i sju år;

¹⁰dei skal ikkje henta ved or marki og ikkje hogga i skogane, men med herbunadene skal dei elda; og dei skal rana sine ransmenner og herja sine herjarar, segjer Herren, Israels Gud.

¹¹På den dagen vil eg gjeva Gog ein gravstad i Israel, Ferdamannsdalen austanfor havet, og han skal stengja vegen for ferdafolket; der skal dei gravleggja Gog og heile mannemugen hans og dei skal kalla staden Gogs-muge-dalen.

¹²I sju månader skal Israels-lyden halda på med å jorda dei, so landet kann verta reinsa.

¹³Heile landslyden skal vera med og jorda dei, og det skal gjera dei namngjetne den dagen eg syner meg herleg, segjer Herren, Israels Gud,

¹⁴Dei skal velja ut nokre menner som stødt skal fara um i landet, og andre som skal hjelpa dei til å jorda dei som ligg att utyver marki rundt ikring i landet, so dei fær reinsa det. Når sju månader er lidne, skal dei taka til med leitingi;

¹⁵og når dei er ute på si ferd, dei skal fara um i landet, og einkvan av dei fær sjå eit mannebein, so skal dei setja upp et merke der, til gravarane fær grave det ned i Gogs-muge-dalen.

¹⁶Det skal vera ein by der med namnet Hamona. Soleis skal og dei reinsa landet. /[77]

¹⁷Og du menneskeson! So segjer Herren, Israels Gud: Seg til allslags fuglar og til alle villdyri på marki: Samla dykk saman og kom, sanka dykk frå alle leider til slaktofferet som eg slaktar åt dykk, eit stort slaktoffer frå Israelsfjelli; de skal få eta kjøt og drikka blod.

¹⁸Kjøt av kjempor skal de få eta, og blod frå fyrstar skal de få drikka, verar, lamb og bukkar og uksar, gjødde i Basan alle i hop.

¹⁹De skal få eta dykk mette på feitt og drikka dykk drukne på blod av slaktofferet som eg slaktar åt dykk.

²⁰De skal verta mette ved mitt bord med ridehestar og vognhestar, med kjempor og hermenner av alle slag, segjer Herren, Israels Gud.

²¹Eg vil syna meg herleg millom folki, og alle folki skal sjå den domen som eg hev halde, og mi hand som eg hev lagt på dei.

²²Israels-lyden skal sanna at eg er Herren deira Gud, frå den dagen og framleides;

²³og folkeslagi skal skyna at det var for si misgjerning Israels-lyden vart burtførd, for di dei for med svik imot meg, so eg løynde mi åsyn for dei og gav dei i fiendehand, so dei fall for sverd alle saman,

²⁴etter deira ureinskap og deira brot for eg fram imot dei og løynde mi åsyn for dei.

²⁵Difor segjer Herren, Israels Gud, so: No vil eg enda Jakobs fangetid og miskunna heile Israels-lyden og vera ihuga for mitt heilage namn.

²⁶Og dei skal bera si skam og all si utrue framferd imot meg, når dei bur trygt i landet sitt, og ingen skræmer dei. /[78]

²⁷Når eg fører dei attende frå folkeslagi og sankar dei frå fiendelandi og syner min heilagdom på dei for augo på dei mange folki,

²⁸då skal dei sanna at eg er Herren deira Gud; for um eg førde dei burt til folkeslagi, so hev eg samla dei att i deira eige land og let ikkje ein einaste av dei vera att der ute.

²⁹So vil eg aldri meir løyna mi åsyn for dei, for eg vil renna ut min Ande yver Israels-lyden, segjer Herren, Israels Gud.