Read nynorsk 1938 Daniel 12 Bible Online

Daniel 12 - nynorsk 1938 bible

Daniel 12

¹I den tid skal Mikael standa fram, den store hovdingen som vernar borni åt folket ditt; og det skal koma ei slik trengsletid som det aldri hev vore frå den dagen noko folkeslag vart til, og alt til den tidi. Men i den tid skal alle dei som finst av folket ditt verta frelste som finst skrivne i boki.

²Og dei mange som søv i moldi, skal vakna upp, sume til æveleg liv og sume til skam og æveleg stygg.

³Då skal dei vituge skina som himmelkvelven skin, og dei som hev ført dei mange til rettferd, skal skina som stjernone, æveleg og alltid.

⁴Men du, Daniel, må gøyma desse ordi og forsegla boki alt til endetidi; mange skal granska henne, og kunnskapen skal verta stor.

⁵So fekk eg, Daniel, i syni mi sjå tvo andre som stod der, ein på den eine elvebakken og ein på den andre elvebakken.

⁶Og ein av dei sa til mannen som var klædd i linklæde, og som stod uppyver vatnet i elvi: Kor lenge varer det fyrr alt dette underfulle hev hendt?

⁷Og eg høyrde kva han sa, mannen som var klædd i linklæde, og som stod uppyver vatnet i elvi; han rette høgre handi og vinstre handi upp imot himmelen og svor ved han som lever æveleg: Ei tid og tider og ei halv tid, og når makti åt det heilage folket er heiltupp krasa, då skal alt dette fullendast. /[61]

⁸Og eg høyrde det, men skyna det ikkje; so spurde eg: Herre, kva er endelykti på dette?

⁹Då sa han: Gakk burt, Daniel! For desse ordi skal vera løynde og forsigla alt til endetidi.

¹⁰Mange skal verta reinsa og tvegne og skirde; men dei ugudlege skal driva på med gudløysa si, og ingen ugudleg skal skyna det; men dei vituge skal skyna det.

¹¹Frå den tid då det daglege offeret vert avteke og den øydande styggedomen sett upp, skal det ganga eit tusund, tvo hundrad og nitti dagar.

¹²Sæl er den som biar og når fram eit tusund, tvo hundrad og fem og tretti dagar.

¹³Men gakk du til møtes med enden! Du skal kvila og so standa upp og få din lut når dagane fær ende.