Read nynorsk 1938 Hosea 10 Bible Online

Hosea 10 - nynorsk 1938 bible

Hosea 10

¹Israel er eit frodigt vintre, som ber mykje frukt; di meir frukt han fekk, di fleire altar bygde han; di betre det gjekk for landet hans, di fagrare biletsteinar gjorde han seg.

²Hjarto deira var falske, no skal dei få bøta; han skal brjota ned altari deira og slå sund biletsteinane deira; /[21]

³ja, no må dei segja: Me hev ingen konge; for me hev ikkje ottast Herren, og kongen, kva kann vel han gjera for oss?

⁴Dei hev tala tome ord, svore falskt, gjort semja, og retten renn upp som forgiftigt ugras på åkerforene.

⁵For kalven i Bet-Aven er Samaria-buane ottefulle; ja, folket hans syrgjer yver han, og prestane hans skjelv for han - for herlegdomen hans, av di han er førd burt ifrå dei. /[22][23]

⁶Han og skal verta førd til Assur, ei gåva til kong Jareb; skam skal Efra'im henta seg, og Israel skal skjemmast for rådgjerdi si. /[24]

⁷Samaria-kongen skal kverva som ei treflis på vatnet.

⁸Øydast skal Avens offerhaugar, Israels synd; klunger og tistel skal renna upp på altari deira, og dei skal segja til fjelli: Gøym oss! og til haugane: Fall yver oss!

⁹Alt frå Gibea-dagane hev du synda, Israel! Der hev dei stade, men krigen mot nidingane hev ikkje nått dei i Gibea. /[25]

¹⁰Etter min hug vil eg tukta dei, og folkeslag skal samla seg imot dei, når eg bind dei fast til båe misgjerningane deira.

¹¹Efra'im er ei upptamd kviga, som likar å treskja, men eg legg eit åk på den fagre halsen hennar; eg vil spenna Efra'im fyre, Juda skal pløgja, Jakob skal horva.

¹²Så dykk eit sæde, som rettferd krev, hausta etter kjærleiks lov, brjot dykk nybrot! For no er det tidi til å søkja Herren, til han kjem og let rettferd regna yver dykk.

¹³De hev pløgt gudløysa, urett hev de hausta, de hev ete lygne-frukt; for du hev sett lit til di åtferd og til dei mange kjempone dine.

¹⁴Difor skal det reisa seg ein stridsdun millom ættene dine, og alle borgene dine skal verta øydde, liksom Salman la Bet-Arbel i øyde på stridsdagen, då dei krasa både mor og barn. /[26]

¹⁵Slikt skal Betel føra yver dykk for dykkar store vondskap; når morgonen rodar, er det ute, reint ute med Israels-kongen. /[27]