Read nynorsk 1938 Hosea 13 Bible Online

Hosea 13 - nynorsk 1938 bible

Hosea 13

¹Når Efra'im tala, vart alle fælne; høgt reis han i Israel; då førde han skuld yver seg med di han dyrka Ba'al og døydde.

²Og no held dei på med si synd og gjer seg støypte bilete av sylvet sitt, avgudar etter sitt eige vit, handverksarbeid alt saman; slike er det dei talar til - menneske som ofrar, kysser kalvar!

³Difor skal dei verta som morgonskyi, som doggi som tidleg kverv, liksom agner som vinden føykjer burt ifrå treskjestaden, og liksom røyk or ein ljore.

⁴Men eg er Herren din Gud alt ifrå Egyptarland, og nokon annan Gud enn meg veit du ikkje av, og nokon annan frelsar finst ikkje.

⁵Det var eg som hadde umsut for deg i øydemarki, i det brennheite landet.

⁶Av di beitet deira var godt, vart dei mette; og då dei var mette, vart dei høge i sin hug, og so gløymde dei meg.

⁷Då vart eg mot dei som ei løva; som ein leopard lurer eg innmed vegen;

⁸eg vil møta dei som ei binna som dei hev teke ungane ifrå, og riva sund bringa deira; eg vil eta dei upp som ei løvemor; villdyri i marki skal slita dei sund.

⁹Det hev vorte til tjon for deg, Israel, at du hev sett deg upp imot meg, eg som er di hjelp.

¹⁰Kvar er då kongen din, at han skulde kunna frelsa deg i alle byane dine, og domarane dine, som du sa um: Lat meg få konge og hovdingar?

¹¹Eg gjev deg ein konge i min vreide, og eg tek han burt att i min harm.

¹²Misgjerningi åt Efra'im er samla i ein pung, syndi hans er gøymd.

¹³Rider som hjå ei kvinna i barnsnaud skal koma yver han. Han er ein uvitug son; når stundi er der, kjem han ikkje fram i fødsli.

¹⁴Or helheims vald vil eg fria dei, frå dauden vil eg løysa dei ut. Kvar er di sott, du daude? Kvar er din pest, du helheim? Anger er løynd for augo mine. /[31]

¹⁵For han ber frukt, der han stend millom brørne sine; men det kjem ein austanvind, eit Herrens ver, farande upp ifrå øydemarki; då vert brunnen hans tom, og kjelda hans tryt; han ranar heile skatten av kostnadting. /[32][33]