Read nynorsk 1938 Amos 8 Bible Online

Amos 8 - nynorsk 1938 bible

Amos 8

¹So let Herren, Israels Gud, meg sjå denne syni: Der stod ei korg med mogi frukt.

²Og han sa: Kva ser du, Amos? Eg svara: Ei korg med mogi frukt. Då sa Herren til meg: Enden er komen for Israel, folket mitt; eg vil ikkje lenger hava tol med deira synd.

³Songane i slottet vert til øying den dagen, segjer Herren, Israels Gud; der ligg lik i mengd, stilt vert dei slengde til sides alle stader.

⁴Høyr dette, de som hev hug til å gløypa den fatige og tyna dei spaklyndte i landet,

⁵de som segjer: Når er nymåne-dagen slutt, so me kann få selja korn, og sabbaten, so me kann få opna kornburi og gjera efaen liten og sekelen stor og driva fusk med vekti

⁶og kjøpa armingen for pengar og den fatige for eit par skor og selja avfallskorn?

⁷Herren hev svore ved Jakobs byrgskap: Aldri skal eg gløyma alt det dei hev gjort.

⁸Må då ikkje jordi skjelva for slikt, og alle som bur der, syrgja? Må ikkje all jordi hevja seg som Nilen, stiga og falla som Egyptarlands elv?

⁹Og det skal henda på den dagen, segjer Herren, Israels Gud, at eg let soli ganga ned ved høgstdags bel og let det myrkna på jordi midt på ljose dagen.

¹⁰Dykkar helgar vil eg venda til sorg og alle dykkar visor til syrgjesongar, eg vil sveipa sekk um kvar ei lend og gjera kvart eit hovud snaudt; eg vil valda sorg som for einaste sonen og lata enden verta som ein usæl dag.

¹¹Sjå, dagar kjem, segjer Herren, Israels Gud, då eg sender hunger i landet, ikkje hunger etter brød, ikkje torste etter vatn, men etter å høyra Herrens ord.

¹²Då skal dei flakka frå hav til hav og frå nord til aust; dei sviv og leitar etter Herrens ord, men dei finn det ikkje.

¹³På den dagen skal fagre møyar og unge gutar ormektast av torste,

¹⁴dei som sver ved Samarias synd og segjer: So visst som din gud lever, Dan, og so visst som han lever han som dei dyrkar i Be'erseba! Dei skal stupa og aldri reisa seg meir.