Read nynorsk 1938 Jona 3 Bible Online

Jona 3 - nynorsk 1938 bible

Jona 3

¹Då kom Herrens ord til Jonas andre gongen, og det lydde so:

²Statt upp og gakk til Ninive, den store byen, og ropa ut i han dei ordi eg vil tala til deg!

³Og Jonas stod upp og gjekk til Ninive, som Herren hadde sagt. Men Ninive var ein stor by for Gud, tri dagsleider lang.

⁴Og Jonas gjekk ei dagslei inn i byen og ropa: Um fyrti dagar skal Ninive verta lagd i grus.

⁵Då trudde folket i Ninive på Gud, og dei lyste ut fasta og klædde seg i sekk, både store og små.

⁶Då saki kom for kongen i Ninive, reiste han seg frå sin kongsstol, la kappa av seg og sveipte seg i sekk og sette seg i oska.

⁷So let han ropa ut i Ninive: Etter påbod frå kongen og hans stormenner må korkje folk eller dyr, storfe eller småfe, smaka noko, beita eller drikka vatn.

⁸Men dei skal sveipa seg i sekk, både folk og dyr, og ropa til Gud av all kraft og venda um, kvar frå sin vonde veg og frå den urett som heng ved hendene deira.

⁹Kven veit? Gud kunde då venda um og angra det, venda um frå den brennande vreide sin, so me ikkje gjeng under.

¹⁰Då no Gud såg det dei gjorde, at dei vende um frå sin vonde veg, angra han det vonde han hadde sagt han vilde gjera mot dei, og han gjorde det ikkje.