Read nynorsk 1938 Fjerde Mosebok 25 Bible Online

Fjerde Mosebok 25 - nynorsk 1938 bible

Fjerde Mosebok 25

¹Medan Israel heldt til i Sittim, tok folket til å fljuga etter kvinnone i Moab.

²Moab-kvinnone bad dei til blotveitslone åt gudane sine, og folket åt og tilbad gudane deira;

³Israel tydde seg til Ba'al-Peor. Då vart Herren brennande harm på Israel,

⁴og Herren sa til Moses: Tak med deg alle Israels hovdingar og legg desse mennene på stegl for Guds og alle manns augo, so Herrens brennande vreide kann vendast burt frå Israel!

⁵Og Moses sa til domarane i Israel: Kvar av dykk skal slå i hel dei av folki sine som hev halde seg til Ba'al-Peor!

⁶Best det, var kom ein av Israels-sønene med ei kvinna frå Midian og leidde henne heim til sitt eige folk midt for augo på Moses og heile Israels-lyden medan dei sat og gret innmed møtetjelddøri.

⁷Då Pinehas, son åt Eleasar og soneson åt Aron, presten, såg det, steig han fram or lyden og treiv eit spjot

⁸og gjekk etter mannen inn i koven og rende spjotet igjenom dei båe, mannen og kvinna, so det gjekk inn i livet hennar. Då stanna sotti som herja Israels-borni.

⁹Men talet på dei som døydde i sotti, var fire og tjuge tusund.

¹⁰Og Herren tala til Moses og sa:

¹¹Pinehas, son åt Eleasar og soneson åt Aron, presten, hev vendt vreiden min burt frå Israels-borni, for di han stod like strengt på min rett som eg sjølv; difor vilde eg ikkje vera so streng at eg gjorde ende på Israels-borni.

¹²Difor skal du segja han at eg vil gjera mi pakt med han, so det skal ganga han vel;

¹³æveleg prestedøme lovar eg han og ætti hans etter han, for di han var so vyrk for æra åt sin Gud og gjorde soning for Israels-borni.

¹⁴Den drepne israeliten, han som vart drepen i hop med den midianitiske kvinna, heitte Simri Saluson; han var hovding yver ei grein av Simeons-ætti.

¹⁵Og midianitkvinna som vart drepi, heitte Kosbi; ho var dotter åt Sur, som var hovding yver ei grein av midianitane.

¹⁶Og Herren tala til Moses og sa:

¹⁷Du skal taka på midianitane og slå dei ned;

¹⁸for dei tok på dykk med svikrådene dei bruka mor dykk, då det hende dette med Peor og Kosbi, syster deira, hovdingdotteri frå Midian, som vart drepi den gongen sotti kom yver dykk for Peors skuld.