Read nynorsk 1938 Fjerde Mosebok 26 Bible Online

Fjerde Mosebok 26 - nynorsk 1938 bible

Fjerde Mosebok 26

¹Då sotti var yver, tala Herren so til Moses og Eleasar, son åt Aron, presten:

²Tak tal på heile Israels-lyden, ættegrein for ættegrein, alle dei våpnføre i Israel som hev fyllt tjuge år!

³So tala Moses og Eleasar, presten, til dei på Moabmoane ved Jordan, midt for Jeriko, og sa:

⁴Alle menner som hev fyllt tjuge år, skal teljast - soleis som Herren hadde sagt til Moses og Israels-borni, dei som hadde fare frå Egyptarland.

⁵Ruben var eldste son åt Israel. Og Rubens-borni det var: Hanokitane, ætti etter Hanok, pallu'itane, ætti etter Pallu,

⁶hesronitane, ætti etter Hesron, karamitane, ætti etter Karmi.

⁷Dette var Rubens-ættene, og av dei var det tri og fyrti tusund og sju hundrad og tretti mann som vart mynstra.

⁸Son åt Pallu heitte Eliab.

⁹Og borni åt Eliab heitte Nemuel og Datan og Abiram. Men Datan og Abiram, det var dei same som var valde til folketinget og var med og yppa strid mot Moses og Aron den gongen Korah og flokken hans sette seg upp mot Herren,

¹⁰og jordi let upp gapet sitt og gløypte både dei og Korah, og elden gjorde ende på dei tvo hundrad og femti mennene, so heile flokken umkomst og vart til eit teikn.

¹¹Men borni åt Korah miste ikkje livet.

¹²Simeons-borni var, etter ættene deira: Nemuelitane, ætti etter Nemuel, jaminitane, ætti etter Jamin, jakinitane, ætti etter Jakin,

¹³serahitane, ætti etter Serah, sa'ulitane, ætti etter Sa'ul.

¹⁴Dette var Simeons-ættene, tvo og tjuge tusund og tvo hundrad mann.

¹⁵Gads-borni var, etter ættene deira: Sefonitane, ætti etter Sefon, haggitane, ætti etter Haggi, sunitane, ætti etter Suni,

¹⁶osnitane, ætti etter Osni, eritane, ætti etter Eri,

¹⁷aroditane, ætti etter Arod, arelitane, ætti etter Areli.

¹⁸Dette var Gads-ættene; av dei var det fyrti tusund og fem hundrad mann som vart mynstra.

¹⁹Av borni åt Juda døydde tvo i Kana'anslandet; dei heitte Er og Onan.

²⁰Dei hine Juda-borni var, etter ættene deira: Selanitane, ætti etter Sela, peresitane, ætti etter Peres, serahitane, ætti etter Serah.

²¹Og Peres-borni var: Hesronitane, ætti etter Hesron, hamulitane, ætti etter Hamul.

²²Dette var Juda-ættene. Av dei vart seks og sytti tusund og fem hundrad mann mynstra.

²³Issakars-borni var, etter ættene deira: Tola'itane, ætti etter Tola, punitane, ætti etter Puva,

²⁴jasubitane, ætti etter Jasub, simronitane, ætti etter Simron.

²⁵Dette var Issakars-ættene. Av dei var det fire og seksti tusund og tri hundrad mann som vart mynstra.

²⁶Sebulons-borni var, etter ættene deira: Sarditane, ætti etter Sered, elonitane, ætti etter Elon, jahle'elitane, ætti etter Jahle'el.

²⁷Dette var Sebulons-ættene. Av dei var det seksti tusund og fem hundrad mann som var mynstra.

²⁸Borni åt Josef var, etter ættene deira: Manasse og Efra'im.

²⁹Manasse-borni var: Makiritane, ætti etter Makir. Makir fekk sonen Gilead; frå han var gileaditane ætta.

³⁰Gileads-borni det var: Jesritane, ætti etter Jeser, helkitane, ætti etter Helek,

³¹asrielitane, ætti etter Asriel, sikmitane, ætti etter Sekem,

³²semida'itane, ætti etter Semida, hefritane, ætti etter Hefer.

³³Men Selofhad, son åt Hefer, hadde ingi søner, berre døtter, og namni på døtterne hans var Mahla og Noa og Hogla og Milka og Tirsa.

³⁴Dette var Manasse-ættene. Av dei var det tvo og femti tusund og sju hundrad mann som vart mynstra.

³⁵Efra'ims-borni det var, etter ættene deira: Sutelahitane, ætti etter Sutelah, bakritane, ætti etter Beker, tahanitane, ætti etter Tahan.

³⁶Og Sutelah-borni det var: Eranitane, ætti etter Eran.

³⁷Dette var Efra'ims-ættene; av dei var det tvo og tretti tusund og fem hundrad mann som vart mynstra. Det var Josefs-borni etter ættene deira.

³⁸Benjamins-borni var, etter ættene deira: Balitane, ætti etter Bela, asbelitane, ætti etter Asbel, akiramitane, ætti etter Akiram,

³⁹sufamitane, ætti etter Sefufam, hufamitane, ætti etter Hufam.

⁴⁰Og Bela-borni var: Ard og Na'aman; ættene etter dei var arditane og na'amitane.

⁴¹Dette var Benjamins-borni etter ættene deira; av dei var det fem og fyrti tusund og seks hundrad mann som vart mynstra.

⁴²Dans-borni var, etter ættene deira: Suhamitane, ætti etter Suham. Dette var Dans-ættene etter ættetavla deira;

⁴³Suhamit-ættene var etter manntalet i alt fire og seksti tusund og fire hundrad mann.

⁴⁴Asers-borni var, etter ættene deira: Jimna'itane, ætti etter Jimna, jisvitane, ætti etter Jisvi, beri'itane, ætti etter Beria.

⁴⁵Og Beria-borna var: Hebritane, ætti etter Heber, malkielitane, ætti etter Malkiel.

⁴⁶Dotter åt Aser heitte Serah.

⁴⁷Dette var Asers-ættene; av dei var det tri og femti tusund og fire hundrad mann som vart mynstra.

⁴⁸Naftali-borni var, etter ættene deira: Jahse'elitane, ætti etter Jahse'el, gunitane, ætti etter Guni,

⁴⁹jisritane, ætti etter Jeser, sillemitane, ætti etter Sillem.

⁵⁰Dette var Naftali-ættene etter ættetavla deira; av dei var det fem og fyrti tusund og fire hundrad mann som vart mynstra.

⁵¹So mange var det som vart mynstra av Israels-borni, seks hundrad og eitt tusund og sju hundrad og tretti mann.

⁵²Og Herren tala til Moses og sa:

⁵³Millom desse skal landet skiftast ut til eigedom etter folketalet.

⁵⁴Den ætti som hev mykje folk, skal du gjeva mykje land, og den som hev lite folk, mindre; kvar ætt skal få land etter talet på dei som vart mynstra der.

⁵⁵Landet skal skiftast på den måten at dei kastar lut um bygdene, og alle som hev same ættenamnet, skal få sin eigedom i same bygdelaget.

⁵⁶Kvar skal få det som fell på han etter luten, men den som hev mykje folk, skal få meir enn den som hev lite; soleis skal landet bytast millom dei.

⁵⁷Dette var dei levitane som vart mynstra, etter ættene sine: Gersonitane, ætti etter Gerson, kahatitane, ætti etter Kahat, meraritane, ætti etter Merari.

⁵⁸Desse ættgreinene var det i Levi-ætti: Libnitane, hebronitane, mahlitane, musitane, korahitane. Kahat var far åt Amram,

⁵⁹og kona åt Amram heitte Jokebed; ho var dotter åt Levi og fødd i Egyptarland. Amram fekk med henne sønene Aron og Moses, og Mirjam, syster deira.

⁶⁰Og Aron fekk sønene Nadab og Abihu, Eleasar og Itamar.

⁶¹Men Nadab og Abihu døydde då dei bar framand eld fram for Herrens åsyn.

⁶²Av levitane var det tri og tjuge tusund som vart mynstra, alle karfolk som var yver ein månad gamle. Dei vart ikkje mynstra saman med dei hine Israels-borni, av di dei ikkje hadde fenge nokon odel millom dei.

⁶³Dette var dei som Moses og Eleaser, presten, talde då dei mynstra Israels-borni på Moabmoane ved Jordan, midt for Jeriko.

⁶⁴Millom dei fanst det ingen som Moses og Aron, presten, hadde skrive inn i manntalet då dei mynstra Israels-borni i Sinaiøydemarki.

⁶⁵For Herren hadde sagt at dei skulde døy i øydemarki, og no var det ingen annan att enn Kaleb, son åt Jefunne, og Josva, son åt Nun.