Read nynorsk 1938 Fjerde Mosebok 27 Bible Online

Fjerde Mosebok 27 - nynorsk 1938 bible

Fjerde Mosebok 27

¹Men døtterne åt Selofhad - dei heitte Mahla og Noa og Hogla og Milka og Tirsa og var ætta frå Manasse, Josefs son; for Selofhad, far deira, var son åt Hefer, son åt Gilead, son åt Makir, son åt Manasse -

²dei gjekk fram i møtetjelddøri og stod framfor Moses og Eleaser, presten, og alle hovdingane og heile lyden og sa:

³Far vår døydde i øydemarki, men han var ikkje med i den flokken som sette seg upp mot Herren - i Korah-flokken - han døydde for si eigi synd skuld, og han hadde ingi søner. /[28]

⁴Skal no namnet åt far vår ganga ut or ætti av di han ingen son hadde? Gjev oss odel tilliks med farbrørne våre!

⁵Moses bar saki deira fram for Herren.

⁶Og Herren sa til Moses:

⁷Det er rett som døtterne åt Selofhad segjer. Du skal gjeva dei odel tilliks med farbrørne deira og lata farsgarden ganga i arv til dei.

⁸Og til Israels-borni skal du segja: Når ein mann døyr og ikkje hev nokon son, so skal de lata garden hans ganga i arv til dotteri.

⁹Hev han ingi dotter, so skal de gjeva brørne hans garden;

¹⁰og hev han ikkje brør, so skal de lata farbrørne hans få garden;

¹¹men hadde ikkje faren nokon bror, so skal den næmaste skyldingen i ætti få garden til odel og eiga. Dette skal gjelda for rett hjå Israels-borni, soleis som Herren hev sagt Moses fyre.

¹²Sidan sa Herren til Moses: Stig upp på Abarimfjellet her og sjå utyver landet som eg hev gjeve Israels-borni!

¹³Og når du hev set det, skal du og fara til federne dine som Aron, bror din, fyre deg,

¹⁴av di de var ulydige mot meg i Sinøydemarki, då lyden tretta med meg, og de skulde helga meg og lata vatnet strøyma fram for augo deira. - Av det hev Meribakjelda ved Kades i Sinøydemarki fenge namn.

¹⁵Då tala Moses til Herren og sa:

¹⁶Herre, du Gud som råder yver livsens ande i alt kjøt, vil ikkje du setja ein mann yver lyden,

¹⁷som kann ganga fyre dei både heime og burte og føra dei både ut og inn, so ikkje Herrens lyd skal vera som ein saueflokk utan hyrding!

¹⁸Og Herren sa til Moses: Tak Josva, son åt Nun! Han er ein mann som det er ånd i. Legg handi på hovudet hans,

¹⁹og leid han fram for Eleasar, presten, og for heile lyden og set han inn i tenesta framfor augo deira,

²⁰og gjev han noko av den vyrdnaden du hev med deg, so heile Israels-lyden lyt lyda han!

²¹Og han skal ganga fram for Eleasar, presten, og Eleasar skal for Herrens åsyn spyrja urim for han, og etter hans ord skal dei ganga ut og ganga inn, både han og heile Israels-borni og heile lyden.

²²Moses gjorde som Moses hadde sagt; han tok og leidde Josva fram for Eleasar, presten, og heile lyden,

²³og Eleasar la hendene på han og sette han inn i tenesta, som Herren hadde havt Moses til å segja til han.