Read nynorsk 1938 Fjerde Mosebok 28 Bible Online

Fjerde Mosebok 28 - nynorsk 1938 bible

Fjerde Mosebok 28

¹Og Herren tala til Moses og sa:

²So skal du segja til Israels-borni: Offeret mitt, maten min, eldofferi mine, som angar godt for meg, lyt de koma i hug å bera fram for meg på si visse tid.

³Seg til dei: So skal dei eldofferi vera som de ber fram for Herren: Tvo årsgamle lytelause lamb um dagen til fast brennoffer.

⁴Eitt lamb skal du ofra um morgonen og eitt solegladsbel,

⁵og til matoffer tiandeparten av ein efa fint mjøl, blanda med fjordeparten av ein hin olje av sundstøytte oljebær.

⁶Det skal vera det faste brennofferet, so som det vart frambore ved Sinaifjellet til ein kveikjande ange, eit eldoffer for Herren.

⁷Og drykkofferet som høyrer til det eine lambet, skal vera fjordeparten av ein hin; i heilagdomen skal du ofra drykkoffer av sterk drykk til Herren.

⁸Det andre lambet skal du ofra solegladsbel; med same matofferet som um morgonen og same drykkofferet skal du bera det fram; det er eit eldoffer som angar godt for Herren.

⁹Um sabbatsdagen skal du ofra tvo årsgamle lamb utan lyte og til matoffer tvo tiandepartar av ein efa fint mjøl, blanda med olje, og drykkofferet som høyrer til.

¹⁰Det er sabbats-brennofferet, som skal berast fram kvar sabbat, umfram det daglege brennofferet og drykkofferet som høyrer til.

¹¹Den fyrste dagen i kvar månad skal de bera fram eit brennoffer for Herren: tvo unge uksar og ein ver og sju årsgamle lamb utan lyte,

¹²og til matoffer tri tiandepartar av ein efa fint mjøl, blanda med olje, for kvar ukse, og tvo tiandepartar fint mjøl, blanda med olje, attåt veren,

¹³og ein tiandepart fint mjøl, blanda med olje, for kvart lamb; då er det eit brennoffer som angar godt, eit eldoffer for Herren.

¹⁴Og drykkofferet som høyrer til, skal vera ein halv hin vin for kvar ukse og tridjeparten av ein hin til attåt veren og fjordeparten av ein hin for kvart lamb. Dette er månads-brennofferet som de skal bera fram kvar nymåne-dag i året.

¹⁵Då skal de og ofra ein geitebukk til syndoffer åt Herren, umfram det daglege brennofferet og drykkofferet som høyrer til.

¹⁶Den fjortande dagen i den fyrst månaden er det påskehelg for Herren.

¹⁷Og den femtande dagen i den same månaden er det helg; då skal de eta usyrt brød sju dagar.

¹⁸Den fyrste dagen skal de halda eit heilagt møte og må ikkje gjera noko utearbeid.

¹⁹Og de skal bera fram eit eldoffer, eit brennoffer for Herren: tvo unge uksar og ein ver og sju årsgamle lamb - lytelause skal dei vera -

²⁰og til matoffer attåt dei fint mjøl, blanda med olje: tri tiandepartar av ein efa for kvar ukse og tvo tiandepartar attåt veren,

²¹og ein tiandepart for kvart av dei sju lambi,

²²og so ein geitebukk til syndoffer; med den skal de gjera soning for dykk.

²³Dette skal de ofra umfram morgon-brennofferet, som høyrer til det daglege brennofferet. /[29]

²⁴Sovorne offer skal de bera fram kvar av dei sju dagane; det er eldoffermat som angar godt for Herren; attåt det daglege brennofferet skal de bera det fram, med drykkofferet som høyrer til.

²⁵Den sjuande dagen skal de halda eit heilagt møte, og noko utearbeid må de ikkje gjera då.

²⁶Nygrødedagen, når de ber fram for Herren eit offer av den nye grøda og høgtidar sjuvikehelgi, då skal de halda eit heilagt møte og må ikkje gjera noko utearbeid.

²⁷Og de skal bera fram eit brennoffer til godange for Herren: tvo unge uksar og ein ver og sju årsgamle lamb,

²⁸og til matoffer attåt det fint mjøl, blanda med olje, tri tiandepartar av ein efa for kvar ukse og tvo tiandepartar attåt veren,

²⁹og ein tiandepart for kvart av lambi,

³⁰og so ein geitebukk som de skal gjera soning for dykk med.

³¹Det skal de ofra umfram det daglege brennofferet og matofferet som høyrer til. Offeri skal vera lytelause, og dei vanlege drykkofferi skal vera med.