Read nynorsk 1938 Fjerde Mosebok 31 Bible Online

Fjerde Mosebok 31 - nynorsk 1938 bible

Fjerde Mosebok 31

²Du skal taka hemn for det som medianitane hev gjort Israels-borni; sidan skal du fara til federne dine.

³Då tala Moses til folket og sa: Lat nokre av mannskapet dykkar bu seg til herferd! Dei skal koma yver midianitane og føra Herrens hemn yver Midian.

⁴Tusund mann frå kvar av Israels-ættene skal de senda ut i herferd.

⁵Av dei mange tusund i Israel baud dei då ut tusund mann frå kvar ætt, tolv tusund herbudde menner.

⁶Dei sende Moses ut i herferd, tusund mann frå kvar ætt, og med dei sende han Pinehas, son åt Eleasar, presten; han hadde med seg dei heilage gognene og stridslurane.

⁷Og dei gjorde ei herferd mor Midian, so som Herren hadde sagt Moses fyre, og slo i hel alle karmenner.

⁸Og millom dei som dei drap, var kongane i Midian, Evi og Rekem og Sur og Hur og Reba, dei fem Midians-kongane; og Bileam, son åt Beor, fall og for sverdet deira.

⁹So tok dei kvinnone og borni åt midianitane og alle kløvdyri og alt bufeet deira og alt det dei åtte;

¹⁰og alle byane i det landet dei budde i, og alle tjeldlægri deira sette dei eld på.

¹¹Og alt herfanget og alt folket og feet dei hadde teke,

¹²førde dei dit som Moses og Eleasar, presten, og heile Israels-lyden var - til lægret på Moabmoane ved Jordan, midt for Jeriko - både fangane og feet og alt det andre herfanget.

¹³Og Moses og Eleasar, presten, og alle dei høgste i lyden gjekk til møtes med dei utanfor lægret.

¹⁴Men Moses var vond på hovdingane som kom heim frå stridsferdi, både dei som stod yver tusund og dei som stod yver hundrad mann,

¹⁵og han sa til dei: Hev de spart alle kvinnone?

¹⁶Det var då dei som lydde Bileams råd og lokka Israels-borni til å svika Herren for Peors skuld, so sotti kom yver Herrens lyd.

¹⁷Slå no i hel alle sveinborn og alle kvinnor som hev havt med karfolk å gjera!

¹⁸Men alle ungmøyar som ikkje hev havt med karfolk å gjera, skal de spara, og dei skal høyra dykk til.

¹⁹Og so lyt de halda dykk utanfor lægret i sju dagar, og alle som hev slege nokon i hel eller kome nær nokon som er i helslegen, lyt reinsa seg den tridje og den sjuande dagen - både de og fangane dykkar.

²⁰Og alle klæde og alt som er gjort av skinn eller geiteragg, og alle trekjerald lyt de reinsa.

²¹Og Eleasar, presten, sa til stridsmennene som hadde vore med i herferdi: Denne fyresegni hev Herren gjeve Moses:

²²Gull og sylv, kopar og jarn, tin og bly,

²³alt som toler eld, skal de hava i elden, so vert det reint; de lyr berre etterpå reinsa det med reinsingsvatn; men alt som ikkje toler eld skal de hava i vatn.

²⁴Og den sjuande dagen skal de två klædi dykkar, so vert de reine, og sidan kann de koma inn i lægret.

²⁵Og Herren sa til Moses:

²⁶Du og Eleasar, presten, og ættehovdingane i lyden skal taka tal på alt folket og feet som er fanga

²⁷og skifta det likt millom stridsmennene som var med i herferdi, og alt hitt folket.

²⁸Og du skal taka ei avgift til Herren av stridsmennene: eitt liv for kvart femhundrad, både av folk og av storfe og asen og småfe;

²⁹det skal de taka av den helvti som fell på herfolket, og gjeva det til Eleasar, presten; det skal vera ei reida til Herren.

³⁰Og av den helvti som fell på dei hine Israels-borni, skal du taka ut eit liv for kvart halvhundrad, både av folk og av storfe og asen og småfe - av alt feet - og gjeva dei til levitane, som hev umsut for alt det som skal gjerast i Herrens tabernakel.

³¹Moses og Eleasar, presten, gjorde som Herren hadde sagt Moses fyre.

³²Og herfanger, det som var att av det stridsfolket hadde teke, det var: sauer og geiter: seks hundrad og fem og sytti tusund;

³³uksar og kyr: tvo og sytti tusund;

³⁴asen: ein og seksti tusund;

³⁵av folk - kvinnor som ikkje hadde vore nær nokon karmann - var det i alt tvo og tretti tusund.

³⁶Helvti av dette, den luten som fall på hermennene, var då: småfe: tri hundrad og sju og tretti tusund og fem hundrad i talet,

³⁷so avgifter til Herren av sauene og geitene vart seks hundrad og fem og sytti;

³⁸uksar og kyr: seks og tretti tusund; av dei var avgifti til Herren tvo og sytti;

³⁹asen: tretti tusund og fem hundrad, og avgifti av dei til Herren ein og seksti;

⁴⁰fangar: sekstan tusund, og av dei i avgift til Herren tvo og tretti.

⁴¹Og Moses gav avgifti, det som skulde vera reida åt Herren, til Eleaser, presten, som Herren hadde sagt han fyre.

⁴²Den helvti som kom på dei hine Israels-borni, og som Moses hadde skift ifrå hermennene,

⁴³den helvti som lyden fekk, det var: tri hundrad og sju og tretti tusund og fem hundrad sauer og geiter,

⁴⁴og seks og tretti tusund uksar og kyr,

⁴⁵og tretti tusund og fem hundrad asen,

⁴⁶og sekstan tusund fangar.

⁴⁷Av denne helvti - den som fall på Israels-borni - tok Moses ut eit liv for kvart halvhundrad av både folk og fe og gav dei til levitane, som greidde det som skulde gjerast i Herrens hus, soleis som Herren hadde sagt han fyre.

⁴⁸So gjekk hovdingane yver herflokkane, både dei yver tusund og dei yver hundrad mann, fram for Moses

⁴⁹og sa til han: Tenarane dine hev teke tal på stridsmennene som me hadde under oss, og det vanta ikkje ein mann.

⁵⁰Difor kjem me no med ei gåva til Herren; kvar av oss gjev det gullet han hev vunne: armlekkjor og armband og fingerringar og øyreringar og kulelekkjor; det skal vera til soning for oss for Herrens åsyn.

⁵¹Og Moses og Eleaser, presten, tok imot gullet dei kom med, alle slags fint arbeidde ting.

⁵²Gullet som dei vigde åt Herren, var i alt sekstan tusund og sju hundrad og femti sekel; det var gåva frå hovdingane.

⁵³Men mannskapet hadde og vunne herfang, kvar åt seg.

⁵⁴Då Moses og Eleasar, presten, hadde teke imot gullet av hovdingane, bar dei det inn i møtetjeldet, so det skulde minna um Israels-borni for Herrens åsyn.