Read nynorsk 1938 Fjerde Mosebok 33 Bible Online

Fjerde Mosebok 33 - nynorsk 1938 bible

Fjerde Mosebok 33

¹No skal eg nemna dei stadene der Israels-borni tok læger på ferdi si, då Moses og Aron førde dei ut or Egyptarlandet, flokk for flokk.

²For kvar gong dei tok ut ifrå lægret, skreiv Moses upp kvar dei var, so som Herren hadde sagt han fyre, og her er namni på lægerstadene deira etter som dei for fram.

³Femtande dagen i fyrste månaden tok Israels-borni ut frå Ra'amses; dagen etter påskehelgi for dei i veg med trass i hugen, midt for augo på alle egyptarane;

⁴egyptarane heldt då på og jorda alle sine frumborne, dei som Herren hadde slege i hel; yver gudane deira og hadde Herren halde dom.

⁵Då Israels-borni hadde fare frå Ra'amses, lægra dei seg fyrst i Sukkot.

⁶So tok dei ut frå Sukkot og lægra seg i Etam, som ligg ytst utmed øydemarki.

⁷So tok dei ut frå Etam, men sidan snudde dei um og tok vegen til Pi-Hakirot, som ligg midt imot Ba'al-Sefon, og dei lægra seg framanfor Migdol.

⁸So tok dei ut frå Hakirot og for tvert igjenom havet til øydemarki, og då dei hadde fare tri dagar i Etamøydemarki, lægra dei seg i Mara.

⁹So tok dei ut frå Mara og kom til Elim. I Elim var det tolv vasskjeldor og sytti palmetre, og dei lægra seg der.

¹⁰So tok dei ut frå Elim og lægra seg ved Raudehavet.

¹¹So tok dei ut frå Raudehavet og lægra seg i Sinøydemarki.

¹²So tok dei ut frå Sinøydemarki og lægra seg i Dofka.

¹³So tok dei ut frå Dofka og lægra seg i Alus.

¹⁴So tok dei ut frå Alus og lægra seg i Refidim; med der fanst det ikkje vatn so folket kunde få drikka.

¹⁵So tok dei ut frå Refidim og lægra seg i Sinaiøydemarki.

¹⁶So tok dei ut frå Sinaiøydemarki og lægra seg i Kibrot-Hatta'ava.

¹⁷So tok dei ut frå Kibrot-Hatta'ava og lægra seg i Haserot.

¹⁸So tok dei ut frå Haserot og lægra seg i Ritma.

¹⁹So tok dei ut frå Ritma og lægra seg i Rimmon-Peres.

²⁰So tok dei ut frå Rimmon-Peres og lægra seg i Libna.

²¹So tok dei ut frå Libna og lægra seg i Rissa.

²²So tok dei ut frå Rissa og lægra seg i Kehelata.

²³So tok dei ut frå Kehelata og lægra seg innmed Seferfjellet.

²⁴So tok dei ut frå Seferfjellet og lægra seg i Harada.

²⁵So tok dei ut frå Harada og lægra seg i Makhelot.

²⁶So tok dei ut frå Makhelot og lægra seg i Tahat.

²⁷So tok dei ut frå Tahat og lægra seg i Tarah.

²⁸So tok dei ut frå Tarah og lægra seg i Mitka.

²⁹So tok dei ut frå Mitka og lægra seg i Hasmona.

³⁰So tok dei ut frå Hasmona og lægra seg i Moserot.

³¹So tok dei ut frå Moserot og lægra seg i Bene-Ja'akan.

³²So tok dei ut frå Bene-Ja'akan og lægra seg i Hor-Hagidgad.

³³So tok dei ut frå Hor-Hagidgad og lægra seg i Jotbata.

³⁴So tok dei ut frå Jotbata og lægra seg i Abrona.

³⁵So tok dei ut frå Abrona og lægra seg i Esjon-Geber.

³⁶So tok dei ut frå Esjon-Geber og lægra seg i Sinøydemarki, i Kades.

³⁷So tok dei ut frå Kades og lægra seg attmed Horfjellet, i landskilet med Edom.

³⁸Då gjekk Aron, presten, upp på Horfjellet, som Herren hadde sagt han fyre, og der døydde han i det fyrtiande året etter Israels-borni hadde teke ut frå Egyptarlandet, fyrste dagen i femte månaden.

³⁹Aron var hundrad og tri og tjuge år gamal då han døydde på Horfjellet.

⁴⁰Men den kana'anitiske kongen i Arad, som budde i sørluten av Kana'an, fekk høyra at Israels-borni kom;

⁴¹då tok dei ut frå Horfjellet og lægra seg i Salmona.

⁴²So tok dei ut frå Salmona og lægra seg i Punon.

⁴³So tok dei ut frå Punon og lægra seg i Obot.

⁴⁴So tok dei ut frå Obot og lægra seg i Ije-Ha'abarim i landskilet med Moab.

⁴⁵So tok dei ut frå Ijim og lægra seg i Dibon-Gad.

⁴⁶So tok dei ut frå Dibon-Gad og lægra seg i Almon-Diblataima.

⁴⁷So tok dei ut frå Almon-Diblataima og lægra seg attmed Abarimfjelli, framanfor Nebo.

⁴⁸So tok dei ut frå Abarimfjelli og lægra seg på Moabmoane ved Jordanelvi, midt for Jeriko;

⁴⁹lægret deira låg langs med Jordan og rakk frå Bet-Hajesimot til Abel-Hassittim på Moabmoane.

⁵⁰Og Herren tala til Moses på Moabmoane ved Jordan, midt for Jeriko, og sa:

⁵¹Tala til Israels-borni og seg til dei: Når de hev fare yver Jordan og kome inn i Kana'anslandet,

⁵²so skal de driva ut alle dei som bur der i landet, og knasa alle biletsteinane deira og slå sund alle gudebileti dei hev støypt seg, og øydeleggja alle offerhaugane deira.

⁵³De skal eigna til dykk landet og setja dykk ned der; for dykk hev eg gjeve det landet til odel og eiga.

⁵⁴De skal skifta det millom dykk etter ætter og kasta lut um bygdene. Den ætti som hev mykje folk, skal de gjeva mykje jord, og den som hev lite folk, mindre. Kvar skal få den eigedomen som luten hans kjem ut med. Etter ættene de høyrer til, skal landet bytast millom dykk.

⁵⁵Men driv de dei ikkje ut, dei som no bur i landet, so skal dei som de sparer, verta tornar i augo og broddar i sidone dykkar, og dei skal plaga dykk i det landet de bur i.

⁵⁶Og det som eg hadde tenkt å gjera med dei, det skal eg då gjera med dykk.