Read nynorsk 1938 Fjerde Mosebok 7 Bible Online

Fjerde Mosebok 7 - nynorsk 1938 bible

Fjerde Mosebok 7

¹Då Moses hadde fenge reist tabernaklet og hadde salva og helga det og alt som til høyrde, og salva og helga altaret med alt som til høyrde,

²då kom Israels jarlar, ættehovdingane og fylkesstyrarane, dei som stod yver alle som var mynstra,

³og førde offergåvone sine fram for Herrens åsyn; det var seks husvogner og tolv uksar, ei vogn frå tvo og tvo av hovdingane og ein ukse frå kvar av dei. Det kom dei til tabernaklet med,

⁴og Herren sa til Moses:

⁵Tak i mot det av dei! De skal hava det til arbeidet ved møtetjeldet, og du skal gjeva det til levitane, etter som kvar treng det til arbeidet sitt.

⁶So tok Moses imot vognene og uksane og gav dei til levitane.

⁷Gersons-borni fekk tvo vogner og fire uksar som dei skulde hava til å greida arbeidet sitt med.

⁸Og Merari-borni fekk fire vogner og åtte uksar som dei skulde greida sitt arbeid med; og Itamar, son åt Aron, presten, skulde rettleida dei.

⁹Kahats-borni fekk ikkje noko; for dei skulde taka vare på dei heilage tingi og bera dei på herdane.

¹⁰Den dagen altaret vart salva, kom hovdingane med vigslegåvor og bar dei fram åt altaret.

¹¹Då sa Herren til Moses: Lat hovdingane bera fram gåva si til altarvigsla kvar sin dag!

¹²Den som bar fram gåva si fyrste dagen, var Nahson, son åt Amminadab, hovdingen yver Juda-ætti.

¹³Gåva hans var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

¹⁴og ei gullskål som vog ti sekel og var fyllt med røykjelse,

¹⁵og ein ung ukse og ein ver og eit årsgamalt verlamb til brennoffer,

¹⁶og ein geitebukk til syndoffer

¹⁷og til takkoffer tvo uksar og fem verar og fem bukkar og fem årsgamle verlamb. Det var gåva frå Nahson, son åt Amminadab.

¹⁸Andre dagen kom Netanel, son åt Suar, hovdingen yver Issakars-ætti,

¹⁹og bar fram gåva si: eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

²⁰og ei gullskål som vog ti sekel og var fyllt med røykjelse,

²¹og ein ung ukse og ein ver og eit årsgamalt verlamb til brennoffer,

²²og ein geitebukk til syndoffer,

²³og til takkoffer tvo uksar og fem verar og fem bukkar og fem årsgamle verlamb. Det var gåva frå Netanel, son åt Suar.

²⁴Tridje dagen kom hovdingen yver Sebulons-borni, Eliab, son åt Helon,

²⁵med gåva si, og det var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

²⁶og ei gullskål som vog ti sekel og var fylt med røykjelse,

²⁷og ein ung ukse og ein ver og eit årsgamalt verlamb til brennoffer,

²⁸og ein geitebukk til syndoffer,

²⁹og til takkoffer tvo uksar og fem verar og fem bukkar og fem årsgamle verlamb. Det var gåva frå Eliab, son åt Helon.

³⁰Fjorde dagen kom hovdingen yver Rubens-borni, Elisur, son åt Sede'ur.

³¹Gåva han bar fram, var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

³²og ei gullskål som vog ti sekel og var fyllt med røykjelse,

³³og ein ung ukse og ein ver og eit årsgamalt verlamb til brennoffer,

³⁴og ein geitebukk til syndoffer,

³⁵og til takkoffer tvo uksar og fem verar og fem bukkar og fem årsgamle verlamb. Det var gåva frå Elisur, son åt Sede'ur.

³⁶Femte dagen kom hovdingen yver Simeons-borni, Selumiel, son åt Surisaddai.

³⁷Gåva han hadde med seg, var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

³⁸og ei gullskål som vog ti sekel og var fyllt med røykjelse,

³⁹og ein ung ukse og ein ver og eit årsgamalt verlamb til brennoffer,

⁴⁰og ein geitebukk til syndoffer,

⁴¹og til takkoffer tvo uksar og fem verar og fem bukkar og fem årsgamle verlamb. Det var gåva frå Selumiel, son åt Surisaddai.

⁴²Sette dagen kom hovdingen yver Gads-borni, Eljasaf, son åt De'uel.

⁴³Og gåva hans var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁴⁴og ei gullskål som vog ti sekel og var fyllt med røykjelse,

⁴⁵og ein ung ukse og ein ver og eit årsgamalt verlamb til brennoffer

⁴⁶og ein geitebukk til syndoffer,

⁴⁷og til takkoffer tvo uksar og fem verar og fem bukkar og fem årsgamle verlamb. Det var gåva frå Eljasaf, son åt De'uel.

⁴⁸Sjuande dagen kom hovdingen yver Efra'ims-borni, Elisama, son åt Ammihud.

⁴⁹Gåva hans var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁵⁰og ei gullskål som vog ti sekel og var fyllt med røykjelse,

⁵¹og ein ung ukse og ein ver og eit årsgamalt verlamb til brennoffer

⁵²og ein geitebukk til syndoffer,

⁵³og til takkoffer tvo uksar og fem verar og fem bukkar og fem årsgamle verlamb. Det var gåva frå Elisama, son åt Ammihud.

⁵⁴Åttande dagen kom hovdingen yver Manasse-borni, Gamliel, son åt Pedasur.

⁵⁵Hans gåva var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁵⁶og ei gullskål som vog ti sekel og var fyllt med røykjelse,

⁵⁷og ein ung ukse og ein ver og eit årsgamalt verlamb til brennoffer

⁵⁸og ein geitebukk til syndoffer,

⁵⁹og til takkoffer tvo uksar og fem verar og fem bukkar og fem årsgamle verlamb. Det var gåva frå Gamliel, son åt Pedasur.

⁶⁰Niande dagen kom hovdingen yver Benjamins-borni, Abidan, son åt Gideoni.

⁶¹Han gav eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁶²og ei gullskål som vog ti sekel og var fyllt med røykjelse,

⁶³og ein ung ukse og ein ver og eit årsgamalt verlamb til brennoffer

⁶⁴og ein geitebukk til syndoffer,

⁶⁵og til takkoffer tvo uksar og fem verar og fem bukkar og fem årsgamle verlamb. Det var gåva frå Abidan, son åt Gideoni.

⁶⁶Tiande dagen kom hovdingen yver Dans-borni, Akieser, son åt Ammisaddai.

⁶⁷Det han gav var eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁶⁸og ei gullskål som vog ti sekel og var fyllt med røykjelse,

⁶⁹og ein ung ukse og ein ver og eit årsgamalt verlamb til brennoffer

⁷⁰og ein geitebukk til syndoffer,

⁷¹og til takkoffer tvo uksar og fem verar og fem bukkar og fem årsgamle verlamb. Det var gåva frå Akieser, son åt Ammisaddai.

⁷²Ellevte dagen kom hovdingen yver Asers-borni, Pagiel, son åt Okran.

⁷³Han og gav eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁷⁴og ei gullskål som vog ti sekel og var fylt med røykjelse,

⁷⁵og ein ung ukse og ein ver og eit årsgamalt verlamb til brennoffer

⁷⁶og ein geitebukk til syndoffer,

⁷⁷og til takkoffer tvo uksar og fem verar og fem bukkar og fem årsgamle verlamb. Det var gåva frå Pagiel, son åt Okran.

⁷⁸Tolvte dagen kom hovdingen yver Naftali-borni, Akira, son åt Enan,

⁷⁹og han gav og eit sylvfat som vog hundrad og tretti sekel, og ein sylvbolle som vog sytti sekel etter heilag vekt, båe fyllte med fint mjøl som var blanda med olje, til matoffer,

⁸⁰og ei gullskål som vog ti sekel og var fyllt med røykjelse,

⁸¹og ein ung ukse og ein ver og eit årsgamalt verlamb til brennoffer

⁸²og ein geitebukk til syndoffer,

⁸³og til takkoffer tvo uksar og fem verar og fem bukkar og fem årsgamle verlamb. Det var gåva frå Akira, son åt Enan.

⁸⁴Dette var vigslingsgåvone frå Israels hovdingar då altaret vart salva: Tolv sylvfat var det og tolv sylvbollar og tolv gullskåler.

⁸⁵Kvart sylvfat vog hundrad og tretti sekel og kvar sylvbolle sytti sekel; alle sylvkoppane i hop vog tvo tusund og fire hundrad sekel etter heilag vekt.

⁸⁶Dei tolv gullskålene som var fyllte med røykjelse, vog ti sekel kvar etter heilag vekt; alle gullskålene i hop vog hundrad og tjuge sekel.

⁸⁷Storfeet til brennofferet var i alt tolv uksar; attåt det kom tolv verar og tolv årsgamle verlamb med matoffer som til høyrde, og tolv geitebukkar til syndoffer.

⁸⁸Og storfeet til takkofferet var i alt fire og tjuge uksar; attåt det kom seksti verar og seksti bukkar og seksti årsgamle verlamb. Det var vigslegåvone som vart framborne då altaret var salva.

⁸⁹Og når Moses gjekk inn i møtetjeldet og skulde tala med han, so høyrde han røysti tala med han frå nådestolen som var yver vitnemålskista, frå romet millom båe kjerubane; soleis tala han til han. /[4]