Read nynorsk 1938 Nahum 2 Bible Online

Nahum 2 - nynorsk 1938 bible

Nahum 2

¹Sjå der på fjelli føtene åt han som ber fagnadbod, han som forkynner fred! Haldt dine høgtider, Juda, og fullgjer dine lovnader! For aldri meir skal dei ugudlege draga inn i landet ditt, dei er utrudde alle saman.

²Ein folke-øydar fer upp imot deg. Vakta vollane! Haldt utkik på vegen! Styrk dine lender, samla all di kraft!

³For Herren vil reisa upp att stordomen åt Jakob liksom stordomen åt Israel, sidan ransmenner so hev herja dei og tynt vintrei deira.

⁴Skjoldane åt kjempone hans er raudleta, stridsmennene er klædde i skarlak, vognene i logande stål den dagen han fylkjer dei, og spjot vert svinga.

⁵På gatone rasar vognene fram, dei rusar av stad yver torgi; dei er å sjå til som logar, som eldingar fer dei fram.

⁶Han kjem i hug sin gjæve menner; dei snåvar der dei gjeng, dei styrmer til bymuren, men skjoldtaket er reist.

⁷Portane ut mot elvane vert opna, og kongsgarden er so redd at han skjelv.

⁸Ja, domen stend fast: Ho vert nækt, dragsa burt, og gjentone hennar græt liksom duvor og slær seg for bringa. /[7][8]

⁹I all si tid var Ninive lik ein dam full av vatn. Men no flyr dei burt. Stogga! Stogga! - Nei, ingen snur seg. /[9]

¹⁰Rana no sylv, rana no gull! Her tryt det ikkje på skattar, her er nøgdi av allskyns dyrverdige ting.

¹¹Tomt, tømt, uttømt! - hjartestøkk, kneskjelv og verk i alle lender, og alle andlet er eldande raude.

¹²Kvar er no løvehiet, etarstaden åt ungløvone, der løva og løvemori gjekk, og løveungen, og ingen skræmde dei?

¹³Kvar er løva, som rana so mykje som ungane vilde hava, og drap åt løvemøderne, ja fyllte upp holone sine med ran og hii sine med det ho reiv sund?

¹⁴Sjå, eg kjem yver deg, segjer Herren, Allhers Gud. Vognene dine skal eg lata ganga upp i røyk, og dine unge løvor skal sverdet øyda. Eg skal rydja ditt rov ut frå jordi, og ingen skal meir høyra røysti åt dine sendebod.