Read nynorsk 1938 Sakarja 11 Bible Online

Sakarja 11 - nynorsk 1938 bible

Sakarja 11

¹Lat upp portane dine, Libanon, so elden kann øyda sedertrei dine!

²Jamra deg, du cypress, for sederen er fallen, dei herlege trei avøydde! Jamra dykk, de Basan-eiker, for tjukkaste skogen er felt!

³Høyr kor hyrdingane jamrar for di deira herlegdom er lagd i øyde! Høyr kor dei unge løvone burar for di Jordans prydnad er herja! /[34][35]

⁴So sa Herren min Gud: Røkta slaktesauene!

⁵Dei som kjøper dei, slaktar dei utan å bøta for det, og dei som sel dei, segjer: Lova vere Herren! eg vert då rik! Og hyrdingane deira sparer dei ikkje.

⁶For no vil eg ikkje meir spara folket i landet, segjer Herren; men eg vil lata menneski falla i hendene på kvarandre og i hendene på kongen sin, og dei skal øyda landet, og eg vil ikkje berga nokon or deira vald.

⁷So tok eg til å røkta slaktesauene, jamvel dei ringaste av sauene; og eg tok meg tvo stavar, den eine kalla eg “hugnad”, og den andre kalla eg “band”. Eg gjætte då sauene, /[36]

⁸og eg gjorde dei tri hyrdingane til inkjes på ein månad. Eg vart leid av dei, og dei lika ikkje meg heller,

⁹og so sa eg: Eg vil ikkje lenger vera hyrdingen dykkar. Lat dei døy som vil døy, og lat det øydast som vil øydast, og dei som vert att, fær eta kvarandre upp!

¹⁰So tok eg staven min ‘hugnad’ og braut han sund til å løysa upp pakti som eg hadde gjort med alle folki.”

¹¹Og ho vart gjord til inkjes same dagen; og då fekk dei sanna dei arme sauene som ansa på meg, at det var Herrens ord.

¹²Sidan sa eg til dei: Um de so synest, so gjev meg løni mi, og synest de ikkje det er verdt, so lat det vera! Då vog dei upp tretti sylvpeningar til løn åt meg.

¹³Då sa Herren til meg: Sleng han burt til krusmakaren, den herlege prisen som dei hev verdsett meg til! Og eg tok dei tretti sylvpeningane og kasta dei inn i Herrens hus, burt til krusmakaren.

¹⁴So braut eg sund den andre staven min, ‘band’, til å løysa upp brorskapen millom Juda og Israel.”

¹⁵Og Herren sa til meg: Tak deg no atter ein stav - staven åt ein skarvehyrding!

¹⁶For sjå, eg let ein hyrding standa fram i landet, ein som ikkje bryr seg um dei sauene som er ved og skal forkomast, ikkje leitar etter dei burtkomne, ikkje heilar dei brotne og ikkje syter for dei friske; men kjøtet av dei feite et han, og klauvene deira bryt han sund.

¹⁷Usæl skarvehyrdingen, som svik sauene! Sverd yver armen hans og yver høgre auga hans! Armen hans skal visna burt og høgre auga hans verta blindt.