Read nynorsk 1938 Sakarja 4 Bible Online

Sakarja 4 - nynorsk 1938 bible

Sakarja 4

¹Sidan kom engelen som tala med meg, og vekte meg att liksom når ein mann vert vekt or svevnen,

²og han sa til meg: Kva ser du? Eg svara: Eg ser ein ljosestake som er heilt av gull, med oljeskåli si på toppen og sine sju lampor, og med sju røyrer for kvar lampa som er på han,

³og tvo oljetre stend attved, eitt på høgre sida av oljeskåli og eitt på vinstre sida.

⁴Og eg tok til ords og spurde engelen som tala med meg: Kva skal desse ting tyda, herre?

⁵Engelen som tala med meg, svara: Skynar du ikkje kva dette tyder? Eg svara: Nei, herre!

⁶Då tok han til ords og sa til meg: Dette er Herrens ord til Serubabel: Ikkje med makt og ikkje med kraft, men med min Ande, segjer Herren, allhers Gud.

⁷Kven er du, du store fjell som ris framfor Serubabel? Jamna deg ut til ei sletta! Han skal føra fram toppsteinen medan dei ropar: Nåde, nåde vere med han! /[5]

⁸Og Herrens ord kom til meg, og det lydde so:

⁹Serubabels hender hev tufta dette huset, og hans hender skal fullenda det; og du skal få sanna at Herren, allhers Gud, hev sendt meg til dykk.

¹⁰For kven vil vanvyrda dagen som tok til i det små? Med gleda ser dei sju augo blyloddet i Serubabels hand, desse Herrens augo som fer ikring heile jordi. /[6]

¹¹Då tok eg til ords og sa til han: Kva skal dei tyda desse tvo oljetrei på høgre og vinstre sida av ljosestaken?

¹²Og eg tok til ords andre gongen og spurde han: Kva skal dei tyda dei tvo oljegreinene tett attved dei tvo gullrøyrene som det renn gull ned ifrå? /[7]

¹³Då sa han til meg: Kva? Veit du ikkje kva desse skal tyda? Eg svara: Nei, herre!

¹⁴Då sa han: Det er dei tvo som er salva med olje og stend hjå herren yver all jordi. /[8]