Read nynorsk 1938 Malaki 4 Bible Online

Malaki 4 - nynorsk 1938 bible

Malaki 4

¹For sjå, dagen kjem, brennande som ein omn; då skal alle ovmodige og kvar den som fer med gudløysa, verta halm, og dagen som kjem, skal brenna dei upp, segjer Herren, allhers Gud, so ikkje vert att av dei anten rot eller grein.

²Men for dykk som ottast mitt namn, skal rettferds-soli renna upp med lækjedom under vengene sine; og de skal ganga ut og hoppa som kalvar når dei slepp or fjøset.

³Og de skal trakka ned dei gudlause, for dei skal vera som oska under føtene dykkar, på den dagen som eg skaper, segjer Herren, allhers Gud.

⁴Kom i hug lovi åt Moses, tenaren min, som eg gav han på Horeb for heile Israel, både lover og bod!

⁵Sjå, eg sender dykk Elias, profeten, fyrr Herrens dag kjem, den store og skræmelege.

⁶Han skal venda fedrehjarto til borni og barnehjarto til federne, so eg ikkje skal koma og bannstøyta landet.