Read nynorsk 1938 Paulus' fyrste brev til korintarane 2 Bible Online

Paulus' fyrste brev til korintarane 2 - nynorsk 1938 bible

Paulus' fyrste brev til korintarane 2

¹Og eg, brør, då eg kom til dykk, kom eg ikkje med meisterskap i ord eller i visdom og forkynte dykk Guds vitnemål.

²For eg vilde ikkje vita noko anna hjå dykk enn Jesus Kristus og han krossfest.

³Og eg var hjå dykk med vanstyrke og med otte og med mykje hjartebiv.

⁴Og min tale og mi forkynning var ikkje med visdoms yvertalande ord, men med provføring av Ande og kraft,

⁵so trui dykkar ikkje skulde vera grunna på menneskevisdom, men på Guds kraft.

⁶Men visdom talar me hjå dei fullkomne, men ein visdom som ikkje høyrer denne verdi til eller herrane i denne verdi, dei som forgjengst;

⁷nei, som ein løyndom; talar me Guds visdom, den dulde, som Gud frå ævelege tider hev etla til vår herlegdom,

⁸den ingen av herrane i denne verdi kjende; for hadde dei kjent han, so hadde dei ikkje krossfest herlegdoms-herren;

⁹men som skrive stend: Det som auga ikkje såg og øyra ikkje høyrde, og som ikkje kom upp i menneskehjarta, det som Gud etla dei som elskar han.

¹⁰Men for oss hev Gud openberra det ved sin Ande. For Anden ransakar alle ting, jamvel dyptene i Gud;

¹¹for kva menneske veit kva som bur i mennesket, utan menneskeåndi, som er i det? So veit heller ingen kva som bur i Gud, utan Guds Ande;

¹²men me hev ikkje fenge den ånd som høyrer verdi til, men den Ande som er av Gud, so me skal kjenna det som er oss gjeve av Gud,

¹³det som me talar um, ikkje med ord som menneskjeleg visdom lærer oss, men med ord som Anden lærer oss, med di me tyder åndelege ting med åndelege ord.

¹⁴Men eit naturleg menneske tek ikkje mot det som høyrer Guds Ande til; for det er han ein dårskap, og han kann ikkje kjenna det, for det vert dømt åndeleg.

¹⁵Men den åndelege dømer alt, men sjølv vert han dømd av ingen.

¹⁶For kven kjende Herrens hug, so han kunde læra han? Men hev Kristi hug.