Read nynorsk 1938 Paulus' andre brev til korintarane 2 Bible Online

Paulus' andre brev til korintarane 2 - nynorsk 1938 bible

Paulus' andre brev til korintarane 2

¹Men for mi eigi skuld og sette eg meg fyre at eg ikkje atter vilde koma til dykk med sorg.

²For um eg gjer dykk sorg, kven er det då som gjer meg glad, utan den som eg gjer sorg?

³Og just difor var det eg skreiv, so eg ikkje, når eg kom, skulde få sorg av dei som eg skulde hava gleda av; for eg hev den tiltru til dykk alle at mi gleda er gleda for dykk alle.

⁴For i myki trengsla og hjartans tyngsla skreiv eg dykk til med mange tåror ikkje for di at de skulde få sorg, men at de skulde kjenna den kjærleiken som eg serleg hev til dykk.

⁵Men um nokon hev gjort sorg, so er det ikkje meg han hev gjort sorg, men til deils - at eg ikkje skal vera for hard - dykk alle.

⁶Det er nok for han med den refsingi han hev fenge av dei fleste,

⁷so at de heller må tilgjeva og trøysta han, so han ikkje skal ganga under i endå tyngre sorg.

⁸Difor bed eg dykk at de må lata kjærleik råda mot han.

⁹For difor var det og eg skreiv, at eg skulde få vita um de held prøva, um de er lydige i alt.

¹⁰Men den som de tilgjev, han tilgjev eg og. For det eg hev tilgjeve - um eg hev havt noko å tilgjeva - det hev eg gjort for dykkar skuld, for Kristi åsyn, so me ikkje skal verta dåra av Satan;

¹¹for me er ikkje uvitande um hans råder.

¹²Då eg kom til Troas for Kristi evangelium skuld, og ei dør var opna for meg i Herren, hadde eg ikkje ro i mi ånd, av di eg ikkje fann Titus, bror min,

¹³men eg bad farvel med dei og for til Makedonia.

¹⁴Men Gud vere takk, som alltid fører oss fram på sigerferd i Kristus og ved oss openberrar angen av kunnskapen um han på kvar stad!

¹⁵For me er Kristi huglege ange for Gud, millom dei som vert frelste, og millom dei som vert fortapte,

¹⁶for desse ein ange av daude til daude, for hine ein ange av liv til liv. Og kven er vel dugleg til dette?

¹⁷For me er ikkje slike som dei mange, at me forfalskar Guds ord til eigi vinning; men som i reinleik, ja som av Gud, talar me for Guds åsyn i Kristus.