Read nynorsk 1938 Paulus' brev til galatarane 6 Bible Online

Paulus' brev til galatarane 6 - nynorsk 1938 bible

Paulus' brev til galatarane 6

¹Brør, um og eit menneske vert brått gripen i nokor synd, so må de som er åndelege, hjelpa han til rettes med spaklyndes ånd; men sjå deg sjølv fyre at ikkje du og skal vert freista.

²Ber byrdene for kvarandre, og uppfyll på den måten Kristi lov!

³For dersom nokon tykkjest vera noko og er då ingen ting, so dårar han seg sjølv.

⁴Men kvar skal prøva si eigi gjerning, og so skal han hava ros berre etter det han sjølv er, og ikkje etter det den andre er;

⁵for kvar skal bera si eigi byrd.

⁶Den som vert upplærd i ordet, skal lata den som lærer han, få lut med seg i alt godt.

⁷Far ikkje vilt! Gud let seg ikkje spotta; for det som eit menneske sår; det skal han og hausta.

⁸For den som sår i sitt kjød, skal hausta tyning av kjøtet; men den som sår i Anden, han skal hausta æveleg liv av Anden.

⁹Men lat oss ikkje verta trøytte av å gjera det gode! for i si tid skal me hausta, berre me ikkje trøytnar.

¹⁰Lat oss då, medan det er høve til det, gjera det gode mot alle, men mest mot dei som høyrer trui til!

¹¹Sjå kor store bokstavar eg skriv med til dykk med mi eigi hand!

¹²Alle dei som vil taka seg godt ut i kjøtet, dei nøyder dykk til å lata dykk umskjera, berre for di at dei ikkje skal verta forfylgde for Kristi kross skuld.

¹³For ikkje ein gong dei som let seg umskjera, held lovi sjølve; men dei vil at de skal lata dykk umskjera, so dei kann rosa seg av dykkar kjøt.

¹⁴Men det vere langt i frå meg å rosa meg av anna enn av vår Herre Jesu Kristi kross; for ved den er verdi krossfest for meg, og eg for verdi.

¹⁵For korkje umskjering eller fyrehud er noko, men berre ein ny skapning.

¹⁶Og so mange som gjeng fram etter denne rettesnori, fred og miskunn vere yver dei og yver Guds Israel!

¹⁷Heretter må ingen gjera meg bry! for eg ber Jesu merke på min lekam.

¹⁸Vår Herre Jesu Kristi nåde vere med dykkar ånd, brør! Amen.