Read nynorsk 1938 Paulus' fyrste brev til tessalonikarane 5 Bible Online

Paulus' fyrste brev til tessalonikarane 5 - nynorsk 1938 bible

Paulus' fyrste brev til tessalonikarane 5

¹Men um tidene og stundene, brør, treng de ikkje til at ein skriv til dykk;

²for de veit sjølve grant at Herrens dag kjem som ein tjuv um natti.

³Når dei segjer: Fred og ingen fare! då kjem ein brå undergang yver dei, liksom føderidene yver den som er med barn, og dei skal slett ikkje sleppa undan.

⁴Men de, brør, er ikkje i myrkret, so dagen skulde koma på dykk som ein tjuv;

⁵for de er alle born av ljoset og born av dagen; me høyrer ikkje natti eller myrkret til.

⁶Lat oss difor ikkje sova som dei andre, men lat oss vaka og vera edrue!

⁷For dei som søv, dei søv um natti, og dei som drikk seg drukne, dei er drukne um natti;

⁸men me som høyrer dagen til, lat oss vera edrue, klædde med den brynja som er tru og kjærleik, og med voni um frelsa som ein hjelm!

⁹For Gud etla oss ikkje til vreide, men til å vinna frelse ved vår Herre Jesus Kristus,

¹⁰han som døydde for oss, so me, anten me vaker eller søv, skal leva saman med han.

¹¹Påminn difor kvarandre, og uppbygg einannan innbyrdes, so som de og gjer!

¹²Men me bed dykk, brør, at de skynar på dei som arbeider ibland dykk og er dykkar forstandarar i Herren og påminner dykk,

¹³og at de vyrder dei storleg høgt i kjærleik for deira gjerning skuld! Haldt fred med kvarandre!

¹⁴Og me legg dykk på hjarta, brør: Påminn dei uskipelege, trøysta dei vanmodige, hjelp dei veike, ver langmodige mot alle!

¹⁵Sjå til at ingen gjev noko vondt att for vondt, men streva alltid etter det som godt er, både mot kvarandre og mot alle!

¹⁶Ver alltid glade,

¹⁷bed uavlatande,

¹⁸takka for alle ting! for det er Guds vilje i Kristus Jesus til dykk.

¹⁹Sløkk ikkje ut Anden,

²⁰mismæt ikkje profetord;

²¹men prøv alt, hald fast på det gode,

²²haldt dykk frå vondt av alle slag!

²³Men han sjølv, fredens Gud, helga dykk heilt ut, og gjev at dykkar ånd og sjel og lekam må verta haldne fullkomne, ulastande når vår Herre Jesus Kristus kjem!

²⁴Han som hev kalla dykk, er trufast; han skal og gjera det.

²⁵Brør, bed for oss!

²⁶Helsa alle brørne med ein heilag kyss!

²⁷Eg manar dykk ved Herren at de let brevet verta lese for alle brørne.

²⁸Vår Herre Jesu Kristi nåde vere med dykk!