Read nynorsk 1938 Josva 12 Bible Online

Josva 12 - nynorsk 1938 bible

Josva 12

¹Dei kongane austanfor Jordan som Israels-borni vann yver og tok landet frå millom Arnonåi og Hermonfjellet, med alle moane i aust,

²det var fyrst Sihon, amoritarkongen, som budde i Hesbon og rådde yver landet nordanfor Aroer innmed Arnonåi - frå midt i åi - og yver helvti av Gilead til Jabbokåi, som er landskilet mot Ammons-borni,

³og yver moane på austsida, upp til Kinneretsjøen og ned til Moavatnet eller Saltsjøen, burt imot Bet-Hajesimot og sud under Pisgalidene;

⁴so var det riket åt Og, kongen i Basan, ein av dei som var att av kjempefolket; han budde i Astarot og Edre'i

⁵og rådde yver fjellbygdene kring Hermon og yver Salka og yver heile Basan, til landskilet mot gesuritane og ma'akatitane, og yver helvti av Gilead til landskilet mot Sihon, kongen i Hesbon.

⁶Det var dei som Moses, Herrens tenar, og Israels-borni hadde vunne yver; og Moses, Herrens tenar, hadde late rubenitane og gaditane og den eine helvti av Manasse-ætti få landet deira til eigedom.

⁷Og dei kongane som Josva og Israels-borni vann yver i landet vestanfor Jordan, frå Ba'al-Gad i Libanonsdalen til det nakne fjellet som ris upp imot Se'ir - det landet som Josva gav Israels-ættene til eigedom etter greinene deira -

⁸i fjellbygdene og på låglandet og på moane og i lidene og i øydemarki og i sudlandet, landet åt hetitane og amoritane og kana'anitane og ferisitane og hevitane og jebusitane,

⁹det var: Kongen i Jeriko, ein, kongen i Ai, som ligg tett med Betel, ein,

¹⁰kongen i Jerusalem, ein, kongen i Hebron, ein,

¹¹kongen i Jarmut, ein, kongen i Lakis, ein,

¹²kongen i Eglon, ein, kongen i Geser, ein,

¹³kongen i Debir, ein, kongen i Geder, ein,

¹⁴kongen i Horma, ein, kongen i Arad, ein,

¹⁵kongen i Libna, ein, kongen i Adullam, ein,

¹⁶kongen i Makkeda, ein, kongen i Betel, ein,

¹⁷kongen i Tappuah, ein, kongen i Hefer, ein,

¹⁸kongen i Afek, ein, kongen i Lassaron, ein,

¹⁹kongen i Madon, ein, kongen i Hasor, ein,

²⁰kongen i Simron-Meron, ein, kongen i Aksaf, ein,

²¹kongen i Ta'anak, ein, kongen i Megiddo, ein,

²²kongen i Kedes, ein, kongen i Jokneam innmed Karmel, ein,

²³kongen i Dor på Dorhøgdene, ein, kongen yver Gojim attmed Gilgal, ein,

²⁴kongen i Tirsa, ein, i alt ein og tretti kongar.