Read nynorsk 1938 Josva 15 Bible Online

Josva 15 - nynorsk 1938 bible

Josva 15

¹Juda-borni og ættgreinene deira fekk sin lut burtimot Edomlandet, sudmed Sinøydemarki, lengst sud.

²Landskilet deira gjekk på sudsida ut frå enden av Saltsjøen, frå den viki som sting lengst i sud,

³tøygde seg sud um Akrabbimskardet og tok so yver til Sin og uppetter sunnanfor Kades-Barnea; so gjekk skiftelina yver til Hesron og upp til Adar; der svinga ho burt til Karka,

⁴tok so burtetter til Asmon, kom fram ved Egyptarlands-bekken og enda utmed havet. Dette [sa Herren] skal vera landskilet dykkar i sud.

⁵I aust fylgde landskilet Saltsjøstrandi, alt til Jordanosen. På nordsida gjekk fylkesdeilet frå vassbotnen, frå Jordanosen,

⁶upp til Bet-Hogla og heldt so frametter nordanfor Bet-Ha'araba, upp til den steinen som heiter etter Bohan Rubensson.

⁷So tok skiftelina frå Akordalen upp til Debir; der svinga ho nordetter til Gilgal, som ligg beint imot Adummimkleivi, sunnanfor bekken, og gjekk so yver til En-Semeskjelda og fram til En-Rogel.

⁸Sidan tok ho upp til Hinnomssonsdalen, til sudsida av Jebusitaråsen, der Jerusalem ligg, og steig upp til toppen av det fjellet som er beint i vest for Hinnomsdalen, ved nordenden av Refa'imsdalen.

⁹Frå den fjelltoppen stemnde skiftelina burtåt Neftoahvasskjelda, heldt fram til byane på Efronheidi, og tok so burtetter til Ba'ala, den byen som no heiter Kirjat-Jearim.

¹⁰Frå Ba'ala svinga ho vestetter til Se'irfjellet, tok yver til nordhallet av Jearimfjellet, der Kesalon ligg, og gjekk so ned til Bet-Semes og fram til Timna.

¹¹Sidan heldt skiftelina nordetter til Ekronåsen; der svinga ho burt til Sikron, tok so yver til Ba'alafjellet, kom fram ved Jabne'el og enda utmed havet.

¹²I vest var det Storhavet som var grensa. Dette var landskili åt Juda-borni og ættgreinene deira, på alle sidor.

¹³Kaleb Jefunneson fekk sin lut millom Juda-borni, etter det som Herren hadde sagt med Josva. Det var den byen som heitte etter Arba, far åt Anak, og som me no kallar Hebron.

¹⁴Kaleb dreiv ut dei tri anakitane som budde der, Sesai og Akiman og Talmai, etterkomarane hans Anak.

¹⁵Sidan for Kaleb mot Debir-buane; Debir heitte fyrr Kirjat-Sefer.

¹⁶Då lova han ut at den som kunde taka Kirjat-Sefer, skulde få Aksa, dotter hans.

¹⁷Otniel, son åt Kenas, bror åt Kaleb, tok byen og fekk Aksa.

¹⁸Då so ho skulde flytja heim til han, eggja ho han til å beda far hennar um ein jordveg, og sjølv hoppa ho ned av asnet. Då spurde Kaleb: Kva er det du vil?

¹⁹Ho svara: Gjev med ei velfargåva! Du hev gift meg burt til dette turre sudlandet; gjev meg no vasskjeldor! So gav han henne Øvrekjeldone og Nedrekjeldone.

²⁰No skal me nemna dei eigedomane som Juda-ætti og greinene hennar fekk:

²¹Byane i sudlandet, ytst i Judafylket, burtimot Edomskiftet, det var Kabse'el og Eder og Jagur

²²og Kina og Dimona og Adada

²³og Kedes og Hasor og Jitnan,

²⁴Sif og Telem og Bealot

²⁵og Hasor-Hadatta og Kerijot, Hesron, som no heiter Hasor,

²⁶Amam og Sema og Molada

²⁷og Hasur-Gadda og Hesmon og Bet-Pelet

²⁸og Hasar-Sual og Be'erseba og Bisjotja,

²⁹Ba'ala og Ijim og Esem

³⁰og Eltolad og Kesil og Horma

³¹og Siklag og Madmanna og Sansanna

³²og Lebaot og Silhim og Ajin og Rimmon, i alt ni og tjuge byar med grendene som låg ikring.

³³I låglandet: Estaol og Sora og Asna

³⁴og Sanoah og En-Gannim, Tappuah og Haenam,

³⁵Jarmut og Adullam, Soko og Aseka

³⁶og Sa'ara'im og Adita'im og Haggedera med Gederota'im, fjortan byar med grendene ikring;

³⁷Senan og Hadasa og Migdal-Gad

³⁸og Dilan og Mispe og Jokte'el,

³⁹Lakis og Boskat og Eglon

⁴⁰og Kabbon og Lahmas og Kitlis

⁴¹og Gederot, Bet-Dagon og Na'ama og Makkeda, sekstan byar med grendene ikring;

⁴²Libna og Eter og Asan

⁴³og Jiftah og Asna og Nesib

⁴⁴og Ke'ila og Aksib og Maresa, ni byar med grendene ikring;

⁴⁵Ekron med byar og grender;

⁴⁶frå Ekron og vestetter alt som låg på Asdod-sida, med grendene som høyrde til;

⁴⁷Asdod med byar og grender, Gasa med byar og grender, radt burt til Egyptarlands-bekken og ut til Storhavet; det var grensa der.

⁴⁸I fjellbygdene: Samir og Jattir og Soko

⁴⁹og Danna og Kirjat-Sanna, som no heiter Debir,

⁵⁰og Anab og Estemo og Anim

⁵¹og Gosen og Holon og Gilo, elleve byar med grendene ikring;

⁵²Arab og Duma og Esan

⁵³og Janim og Bet-Tappuah og Afeka

⁵⁴og Humta og Kirjat-Arba, som no heiter Hebron, og Sior, ni byar med grendene ikring;

⁵⁵Maon, Karmel og Sif og Juta

⁵⁶og Jisre'el og Jokdeam og Sanoah,

⁵⁷Hakka'in, Gibea og Timna, ti byar med grendene ikring;

⁵⁸Halhul, Bet-Sur og Gedor

⁵⁹og Ma'arat og Bet-Anot og Eltekon, seks byar med grendene ikring;

⁶⁰Kirjat-Ba'al, som sidan vart kalla Kirjat-Jearim, og Harabba, tvo byar med grendene ikring.

⁶¹I øydemarki: Bet-Ha'araba, Middin og Sekaka

⁶²og Hannibsan og Ir-Hammelah og En-Gedi, seks byar med grendene ikring.

⁶³Men Juda-borni vann ikkje driva ut jebusitane, som budde i Jerusalem; dei vart buande i hop med Juda-borni i Jerusalem, og der bur dei den dag i dag.