Read nynorsk 1938 Josva 20 Bible Online

Josva 20 - nynorsk 1938 bible

Josva 20

¹Og Herren tala til Josva og sa:

²Seg til Israels-borni at dei skal gjeva frå seg dei fredstadene som eg hadde Moses til å tala til dykk um,

³so den som av vanvare og uviljande hev drepe eit menneske, kann få røma dit; desse byane skal vera dykk til ei trygd for dråpsmannen, når han rømer for blodhemnaren.

⁴Dråpsmannen skal røma til ein av dei; han skal stiga fram i byporten og tala si sak for styresmennene i byen, og dei skal taka vel imot han og gjeva han ein bustad hjå seg.

⁵Når so blodhemnaren kjem etter, skal dei ikkje lata han få tak i dråpsmannen, etter di det er uviljande han hev drepe ein mann, og han ikkje bar hat til han frå fyrr.

⁶Han skal bu der i byen til han hev stade fram for lyden og fenge sin dom, og so til den øvstepresten som då lever, er avliden; då kann dråpsmannen fara heim att til sin eigen by og til huset sitt, til den byen han laut røma ifrå.

⁷Då helga dei desse byane til fredstader: Kedes i Galilea i Naftalifjelli og Sikem i Efra'imsfjelli og Kirjat-Arba, som no heiter Hebron, i Judafjelli.

⁸Og austanfor Jordan, som renn frammed Jeriko, gav dei desse: i Rubensfylket: Beser i øydemarki, på sletta; i Gadsfylket: Ramot i Gilead; i Manassefylket: Galon i Basan.

⁹Dette var dei byane som vart kåra til fredstader åt alle Israels-borni og åt dei framande som heldt til hjå dei, so den som av vanvare drep eit menneske, kann få røma dit og ikkje skal døy for hemnarhand, fyrr han hev stade til doms for lyden.