Read nynorsk 1938 Josva 21 Bible Online

Josva 21 - nynorsk 1938 bible

Josva 21

¹Ættefederne åt levitane gjekk fram for Eleasar, presten, og Josva Nunsson og ættefederne åt Israels-borni

²og tala soleis til dei i Silo i Kana'anslandet: Moses kom med det bodet frå Herren at me skulde få byar til å bu i med beitemarker ikring åt feet vårt.

³Og Israels-borni gjorde som Herren hadde sagt, og gav levitane av sitt eige land dei byane me snart skal nemna, med beitemarkene som låg ikring.

⁴Då dei no kasta lut, fall den fyrste luten på Kahats-ættene; dei levitane som var ætta frå Aron, presten, fekk trettan byar hjå Juda-ætti og Simeons-ætti og Benjamins-ætti,

⁵og dei andre Kahat-borni fekk for sin lut ti byar hjå Efra'ims ættgreiner og Dans-ætti og den eine helvti av Manasse-ætti.

⁶Gersons-borni fekk for sin lut trettan byar hjå Issakars ættgreiner og Asers-ætti og Naftali-ætti og den helvti av Manasse-ætti som var i Basan.

⁷Merari-borni og ættgreinene deira fekk tolv byar hjå Rubens-ætti og Gads-ætti og Sebulons-ætti.

⁸Desse byane med beitemarkene som høyrde til, gav Israels-borni åt levitane, soleis som Moses hadde sagt dei frå Herren, og let dei kasta lut um dei.

⁹I Judafylket og Simeonsfylket gav dei frå seg dei byane som me no skal nemna ein for ein:

¹⁰det var Arons-sønene av Levi-ætti, Kahat-greini, som fekk dei; for dei fall den fyrste luten på.

¹¹Dei fekk den byen i Judafjelli som heitte etter Arba, ættefaren åt anakitane, og som me no kallar Hebron, med beitemarkene som låg rundt ikring;

¹²men åkerlandet og gardane som høyrde til byen, gav dei Kaleb Jefunneson til odel og eiga.

¹³Dei som var ætta frå Aron, presten, fekk i desse tvo fylki både Hebron, som var fristad for dråpsmenner, og Libna

¹⁴og Jattir og Estemoa

¹⁵og Holon og Debir

¹⁶og A'in og Jutta og Bet-Semes, ni byar med beitemarkene som høyrde til,

¹⁷og i Benjaminsfylket Gibeon og Geba

¹⁸og Anatot og Almon, fire byar med beitemarkene som høyrde til.

¹⁹Soleis fekk Arons-sønene, prestane, i alt trettan byar med beitemarker attåt.

²⁰No skal me nemna dei byane som fall på dei andre Kahats-borni, dei levitiske Kahats-ættene: Dei fekk i Efra'imsfylket

²¹Sikem, som var fristad for dråpsmenner, i Efra'imsfjelli og Geser

²²og Kibsa'im og Bet-Horon, fire byar med beitemarkene som høyrde til,

²³og i Dansfylket Elteke og Gibbeton

²⁴og Ajalon og Gat-Rimmon, fire byar med beitemarkene som høyrde til,

²⁵og i det eine halve Manassefylket Ta'anak og Gat-Rimmon, tvo byar med beitemarkene som høyrde til.

²⁶Det var i alt ti byar med beitemarker attåt som dei hine greinene av Kahats-ætti fekk.

²⁷Levitane av Gerson-greini fekk i det andre halve Manassefylket Galon i Basan, ein av fristadene for dråpsmenner, og Be'estera, tvo byar med beitemarkene som høyrde til,

²⁸og i Issakarsfylket Kisjon og Daberat,

²⁹Jarmut og En-Gannim, fire byar med beitemarkene som høyrde til,

³⁰og i Asersfylket Misal og Abdon

³¹og Helkat og Rehob, fire byar med beitemarkene som høyrde til,

³²og i Naftalifylket Kedes i Galilea, ein av fristadene for dråpsmenner, og Hammot-Dor og Kartan, tri byar med beitemarkene som høyrde til.

³³Soleis fekk gersonitane og ættgreinene deira i alt trettan byar med beitemarker attåt.

³⁴Dei som var att av levitane, Merari-borni og ættgreinene deira, fekk i Sebulonsfylket Jokneam og Karta

³⁵og Dimna og Nahalal, fire byar med beitemarkene som høyrde til,

³⁶og i Rubensfylket Beser og Jahsa,

³⁷Kedemot og Mefa'at, fire byar med beitemarkene som høyrde til,

³⁸og i Gadsfylket Ramot i Gilead, ein av fristadene for dråpsmenner, og Mahana'im

³⁹og Hesbon og Jaser, fire byar med beitemarkene som høyrde til.

⁴⁰Det var i alt tolv byar som fall på dei siste Levi-ættene, Merari-borni og ættgreinene deira.

⁴¹Alt i alt fekk levitane i odelslandet åt Israels-borni åtte og fyrti byar med beitemarker attåt.

⁴²Desse byane hadde kvar sine beitemarker ikring seg; so var det med dei alle.

⁴³Soleis gav Herren Israel heile det landet som han hadde lova at han vilde gjeva federne deira, og dei eigna det til seg og busette seg der.

⁴⁴Og Herren let dei hava fred på alle leder, heiltupp soleis som han hadde lova federne deira. Ingen av alle uvenene deira kunde standa seg imot dei; Herren gav alle fiendar i deira hender.

⁴⁵Ikkje eit einaste av alle dei gode ordi Herren hadde tala til Israels hus, vart um inkje; alt saman gjekk fram.